Rain Alert: महाराष्ट्रात मुसळधार पावसाचा जोर वाढणार! मुंबईसह या 21 जिल्ह्यांना इशारा

heavy rain maharashtra

Rain Alert: राज्यात गेल्या काही दिवसांपासून मुसळधार पावसाचे (Heavy Rain) सत्र सुरूच आहे. त्यामुळे धरणाच्या पाणीसाठ्यामध्ये वाढ झाली आहे तर काही धरणे शंभर टक्के भरली आहेत. मुसळधार पावसाने शेतपिकांचे (Damage to crops) मोठ्या प्रमाणात नुकसान झाले आहे. अजूनही नवरात्रीच्या दिवसांत मुसळधार पावसाचा इशारा हवामान खात्याकडून (Department of Meteorology) देण्यात आला आहे.

मुंबई हवामान केंद्राने (Mumbai Weather Station) गुरुवारी महाराष्ट्रातील अनेक जिल्ह्यांमध्ये मुसळधार पावसाचा अंदाज वर्तवला आहे. यासंदर्भात अलर्टही जारी करण्यात आला आहे. मात्र, शुक्रवारपासून पावसाचा जोर कमी होण्याचा अंदाज आहे.

गुरुवारी पालघर, ठाणे, रायगड, नाशिक आणि पुण्याच्या विविध भागात मुसळधार ते अतिवृष्टीचा अंदाज हवामान खात्याने वर्तवला आहे. याबाबत हवामान खात्याने ऑरेंज अलर्ट (Orange Alert) जारी केला आहे.

दुसरीकडे, मुंबई, रत्नागिरी, नंदुरबार, कोल्हापूर, सातारा, अकोला, अमरावती, भंडारा, बुलढाणा, चंद्रपूर, गोंदिया, गडचिरोली, नागपूर, वर्धा, वाशीम आणि यवतमाळमध्ये मुसळधार पाऊस आणि मेघगर्जनेसह पावसाची शक्यता आहे. या जिल्ह्यांमध्ये यलो अलर्ट (Yellow Alert) जारी करण्यात आला आहे.

शेतकऱ्यांसाठी सरकारचा मदतीचा हात! शेतकऱ्यांना 15 सप्टेंबरपर्यंत मिळणार नुकसान भरपाई

याशिवाय शुक्रवारी पालघर आणि पुण्यात ऑरेंज अलर्ट जारी करण्यात आला आहे, तर ठाणे, मुंबई, रायगड, नाशिक, सातारा येथे यलो अलर्ट जारी करण्यात आला आहे. दुसरीकडे, महाराष्ट्रातील हवेचा दर्जा निर्देशांक बहुतांश शहरांमध्ये 'चांगल्या ते समाधानकारक' श्रेणीत नोंदवला जात आहे.

जाणून घेऊया गुरुवारी महाराष्ट्रातील प्रमुख जिल्ह्यांमध्ये हवामान कसे असेल?

मुंबई हवामान

गुरुवारी मुंबईत कमाल तापमान 29 आणि किमान तापमान 24 अंश सेल्सिअस राहण्याचा अंदाज आहे. आकाश ढगाळ राहील आणि मुसळधार पावसाची शक्यता आहे. हवेचा दर्जा निर्देशांक 'चांगल्या' श्रेणीत 25 वर नोंदवला गेला.

पुणे हवामान

पुण्यात कमाल तापमान 27 तर किमान तापमान 23 अंश सेल्सिअस राहण्याचा अंदाज आहे. ढगाळ वातावरण असेल आणि मध्यम पावसाची शक्यता आहे. हवेचा दर्जा निर्देशांक 'चांगल्या' श्रेणीत 32 वर नोंदवला गेला.

Pearl Farming: शेतकऱ्यांनो केवळ २५ हजार गुंतवा आणि ३ लाख कमवा

नाशिक हवामान

नाशिकमध्ये कमाल तापमान 29 अंश सेल्सिअस तर किमान तापमान 21 अंश सेल्सिअस राहण्याचा अंदाज आहे. ढगाळ वातावरण असेल आणि मुसळधार पाऊस पडू शकतो. हवेचा दर्जा निर्देशांक 'चांगल्या' श्रेणीत 38 आहे.

नागपूर हवामान

नागपुरात कमाल तापमान 31 अंश सेल्सिअस तर किमान तापमान 23 अंश सेल्सिअस राहण्याचा अंदाज आहे. ढगाळ वातावरण असेल आणि एक किंवा दोनदा पाऊस किंवा मेघगर्जनेसह पाऊस पडू शकतो. त्याच वेळी, हवा गुणवत्ता निर्देशांक 52 आहे, जो 'समाधानकारक' श्रेणीत येतो.

औरंगाबाद हवामान

औरंगाबादमध्ये कमाल तापमान 30 अंश सेल्सिअस आणि किमान तापमान 22 अंश सेल्सिअस राहण्याचा अंदाज आहे. ढगाळ वातावरण असेल आणि मध्यम पावसाची शक्यता आहे. हवेचा दर्जा निर्देशांक 'चांगल्या' श्रेणीतील 40 आहे.

महत्वाच्या बातम्या:
Gold Price Today: खुशखबर! नवरात्रीच्या शुभमुहूर्तावर १० ग्रॅम सोने खरेदी करा ५९०० रुपयांनी स्वस्त...
कामाची बातमी! PF खात्यावर मिळणार पेन्शन; जाणून घ्या नियम आणि अटी