1. बातम्या

जानेवारी-फेब्रुवारीमध्ये भारताने ८७००० टन कांद्याची निर्यात केली :कृषिमंत्री नरेंद्रसिंग तोमर

KJ Maharashtra
KJ Maharashtra
onion price

onion price

जानेवारी ते फेब्रुवारी या कालावधीत खरीप पिकाच्या अंदाजानुसार ही बंदी उठविल्यानंतर भारताने ८७००० टन कांद्याची निर्यात केली आहे, असे कृषिमंत्री नरेंद्रसिंग तोमर यांनी मंगळवारी संसदेत सांगितले.

खरीप आणि उशीरा खरीप उत्पादनाचा अंदाज लक्षात घेता सरकारने जानेवारीपासून निर्यातवरील बंदी उठविली, असे त्यांनी लोकसभेत लेखी उत्तरात सांगितले.अलीकडील बंदी उठविल्यानंतर जानेवारी आणि फेब्रुवारी २०२१ या महिन्यात कांद्याची निर्यात अनुक्रमे ५६००० टन आणि ३१००० टन झाली आहे, सप्टेंबर २०२० मध्ये बंदी लागू होण्यापूर्वी मासिक सरासरी २. १८ लाख टन निर्यात झाली होती असे तोमर म्हणाले.

हेही वाचा:शेती क्षेत्रात खासगी गुंतवणूक वाढविणार :केंद्रीय मंत्री नरेंद्र सिंह तोमर

२०१९-२० मध्ये २३२०.७० कोटींच्या किंमतीवर देशात 11.50 लाख टन कांद्याची निर्यात झाली.यावर्षी मार्चपासून रब्बी पिकाची खरेदी करून बांधण्यात येणाऱ्या किंमत स्थिरीकरण निधी (पीएसएफ) अंतर्गत २०२०-२२ च्या दरम्यान सरकारने दोन लाख टन कांदा बफर तयार करण्यास मान्यता दिली असल्याचे मंत्री म्हणाले.

डिसेंबर २०२० मध्ये कांद्याचे भारतीय सरासरी किरकोळ दर ४४.३३ रुपये प्रतिकिलो होते, तर जानेवारी आणि फेब्रुवारी २०२१ मध्ये हे दर अनुक्रमे ३८.५९रुपये आणि ४४.०८ रुपये प्रति किलो झाले आहेत, असेही त्यांनी सांगितले.

Like this article?

Hey! I am KJ Maharashtra. Did you liked this article and have suggestions to improve this article? Mail me your suggestions and feedback.

Share your comments

आमच्या न्यूसलेटरचे सदस्य व्हा. शेती संबंधीत देशभरातील आताच्या बातम्या मेलवर वाचण्यासाठी आमच्या न्यूसलेटरची सदस्यता घ्या.

Subscribe Newsletters