Weather warning: विदर्भात पावसाची शक्यता, काही जिल्ह्यांना यलो अलर्ट

Weather warning: Chance of rain in Vidarbha, yellow warning to districts

पुढील दोन दिवस विदर्भात पावसाची शक्यता आहे. (Vidarbha Rain Update) हवामान खात्याने काही जिल्ह्यांना यलो अलर्ट जारी केला आहे. राज्यात गेल्या काही दिवसांपासून मान्सूनपूर्व पावसाने चांगलाच जोर धरला आहे. दरम्यान, कालपासून विदर्भ आणि मराठवाड्यात मान्सूनपूर्व पावसाला सुरुवात झाली आहे.

विदर्भातील काही जिल्ह्यांमध्ये वादळी वाऱ्यासह मुसळधार पावसाने पिकांचे आणि साठवणुकीचे नुकसान झाले आहे. विदर्भातील हवामानात अचानक झालेल्या बदलामुळे उकाडा वाढला आहे. अनेक ठिकाणी ढगाळ वातावरण असल्याचे हवामान खात्याने सांगितले. राज्यात मान्सूनपूर्व पावसाला अनुकूल वातावरण मिळत असताना उष्णतेची लाट दिवसेंदिवस तीव्र होत आहे. अनेक ठिकाणी अंशतः ढगाळ वातावरण असून उकाडाही वाढला आहे.

विदर्भात वादळी वाऱ्यासह पाऊस पडण्याची शक्यता आहे. चंद्रपूर जिल्ह्यात गेल्या २४ तासांत ४३.२ अंश सेल्सिअस तापमानाची नोंद झाली आहे. इतर सर्व ठिकाणी कमाल तापमान ४१ अंश सेल्सिअसच्या आसपास होते. कोकणात ३४ ते ३६ अंश, मध्य महाराष्ट्रात २७ ते ३७ अंश, मराठवाड्यात ३६ ते ४० अंश आणि विदर्भात ३७ ते ४३ अंश कमाल तापमानाची नोंद झाली.

दक्षिण ओडिशा आणि त्याच्या परिसरावर चक्रीवादळाची परिस्थिती पसरली आहे, ज्यामुळे बिहार ते आंध्र प्रदेशापर्यंत दक्षिण-उत्तर कमी दाबाचा पट्टा तयार होतो. त्यामुळे मान्सूनपूर्व पावसासाठी अनुकूल वातावरण असल्याने आज (मंगळवारी 26) विदर्भात विजांचा कडकडाट, मेघगर्जनेसह पावसाचा इशारा हवामान खात्याकडून जारी करण्यात आला आहे. कोकणात तुरळक ठिकाणी पावसाचा अंदाजही हवामान खात्याने वर्तवला आहे.

बुधवारी (२५) सकाळपर्यंत गेल्या २४ तासांत राज्यात विविध ठिकाणी कमाल तापमानाची (अंश सेल्सिअस) : पुणे ३५.२, धुळे ४१, जळगाव ३९.५, कोल्हापूर ३४.१, महाबळेश्वर २७.१, नाशिक ३४.४, सांगली ३५.२, सातारा ३४, सोलापूर ३७ अंश से. नोंद झाली.