देशातील 10 हून अधिक राज्यांमध्ये 4 दिवस पाऊस पडणार, जाणून घ्या हवामान खात्याचा अंदाज

rain

जम्मू-काश्मीर, हिमाचल प्रदेश आणि उत्तराखंडसह उत्तर भारतातील अनेक भागांमध्ये हळूहळू थंडीने दार ठोठावण्यास सुरुवात केली आहे. सकाळ आणि संध्याकाळी तापमानात घट झाली आहे. या राज्यांतील उंच पर्वतांवर बर्फवृष्टी होत आहे. सध्या या राज्यांमध्ये हवामानाचा तिहेरी हल्ला पाहायला मिळत आहे. या राज्यांमध्ये थंडी, बर्फवृष्टी आणि पावसामुळे लोकांच्या अडचणी वाढणार आहेत.

वेस्टर्न डिस्टर्बन्समुळे डोंगराळ राज्यांतील हवामानात मोठा बदल होण्याची शक्यता आहे. हवामान खात्याच्या अंदाजानुसार 31 ऑक्टोबर आणि 1 नोव्हेंबरला जम्मू-काश्मीर, लडाख, गिलगिट-बाल्टिस्तान, हिमाचल प्रदेशमध्ये पाऊस पडेल.

पंजाबरावांचा नोव्हेंबर महिन्यातला हवामान अंदाज! या तारखेला पावसाचं वातावरण

आज इथे पाऊस पडेल

त्याचवेळी देशातील अनेक राज्यांतून मान्सून निघून गेल्यानंतरही दक्षिण आणि पूर्वेकडील अनेक भागात पाऊस सुरूच आहे. हवामान खात्याने (IMD) आजही अनेक भागात पावसाची शक्यता वर्तवली आहे.

IMD च्या अंदाजानुसार, आंध्र प्रदेश, तामिळनाडू, पुद्दुचेरी, कराईकल, अंदमान, निकोबार, यानाम, केरळ आणि माहेसह अनेक ठिकाणी पाऊस चार दिवस सुरू राहण्याची शक्यता आहे. यासोबतच आसाम, अरुणाचल प्रदेश आणि नागालँडमध्ये आज पावसाची शक्यता आहे.

राज्यात १० नोव्हेंबरपासून पूर्ण क्षमतेने ऊस गाळप होणार

बंगालच्या उपसागरात सीतारंगी चक्रीवादळ तयार झाल्यामुळे बंगालच्या उपसागरावर आणि दक्षिण द्वीपकल्पीय भारतावर उत्तर-पूर्वेकडून वारे वाहण्याची शक्यता आहे. यामुळे, आज 29 ऑक्टोबरच्या सुमारास दक्षिणपूर्व द्वीपकल्पीय भारतात ईशान्य मोसमी पाऊस पडण्याची दाट शक्यता आहे.

स्कायमेट वेदर या खासगी हवामानाचा अंदाज वर्तवणाऱ्या संस्थेच्या म्हणण्यानुसार, आज अंदमान आणि निकोबार बेटांवर पाऊस पडण्याची शक्यता आहे. यासोबतच तामिळनाडूच्या किनारी भागातही पाऊस पडू शकतो. दुसरीकडे, अंतर्गत तामिळनाडू आणि दक्षिण केरळमध्ये पावसाची शक्यता आहे.