.तरच महाराष्ट्रात फुलतील गांजाचे मळे; वाचा- नेमका कायदा काय सांगतो ?

कायदा काय सांगतो?

भारतात सेवन करण्यास निषिद्ध असलेल्या अंमली पदार्थांच्या यादीत गांजाचा समावेश आहे. एनडीपीएस कायद्यानुसार गांजा बाळगणे, विक्री व सेवन करण्यास कायद्याने बंदी असून दोषी व्यक्ती कठोर शिक्षेस पात्र असते. कायद्यानुसार दंड व कारावासाच्या शिक्षेची तरतूद आहे.

कॅनबीज फार्मसी (cannabis pharmacy)

पाश्चिमात्य देशांत वैद्यकीय उपयुक्तता जाणून गांजा लागवडीस मान्यता आहे. औषध निर्मितीसाठी गांजाचा वापर केला जातो. जगात कॅनबीज फार्मसी मोठ्या प्रमाणात विकसित झाली आहे. काँग्रेसचे खासदार शशी थरूर (shashi tharoor) यांनी लेख लिहून गांजाला कायदेशीर मान्यता देण्याच्या बाजूने मत व्यक्त केले. योगगुरू म्हणून ओळखले जाणारे बाबा रामदेव (baba ramdeo) यांच्या पतंजली उद्योग समूहाने सुद्धा आता गांजाला कायदेशीर मान्यता द्या म्हणून मागणी केली आहे.

कॅनाबिज संदर्भातील वैद्यकीय वापराला कायदेशीर आणि नियमबद्ध चौकटीमध्ये परवानगी दिली, तर भारतातल्या शेतकऱ्यांना हे नगदी पीक त्यांच्या उत्पन्नाचे आणखी एक स्रोत ठरू शकेल.

अभ्यासकांच्या मतानुसार, गांजा याविषयी समाजात असलेले गैसमज दूर होणे महत्वाचे आहे. कायद्याच्या चौकटीत गांजा लागवडीस सशर्त परवानगी मिळू शकते. गांजावर बंदी संदर्भात वाद-प्रतिवाद केले जातात. त्यामुळे जेव्हा कायदेशीर प्रक्रियेतून गांजा उत्पादनाला सशर्त परवानगी मिळाल्यानंतरच महाराष्ट्रात गांजाचे मळे फुलू शकतात.