7th pay commission
7th pay commission: आता केंद्रीय कर्मचाऱ्यांना महागाई भत्ता मिळणार आहे. डीएचे पैसे या महिन्यात येतील. केंद्रीय कर्मचाऱ्यांसाठी ही घोषणा या महिन्याच्या अखेरीस केली जाईल. त्यानंतर सप्टेंबर महिन्याच्या पगारासह पैसे दिले जातील.
नवरात्रीमध्ये केंद्रीय कर्मचाऱ्यांना महागाई भत्त्याची रक्कम मिळणार आहे. महागाई भत्त्याची औपचारिक घोषणा २८ सप्टेंबरला म्हणजेच तिसऱ्या नवरात्रीला केली जाईल. १ जुलै २०२२ पासून महागाई भत्ता लागू होईल आणि तो ३८ टक्क्यांपर्यंत वाढेल. केंद्रीय कर्मचाऱ्यांनाही दोन महिन्यांच्या डीए थकबाकीचे पैसे मिळतील.
३८% DA चे पैसे कोणत्या तारखेला येतील?
महागाई भत्त्यात ४ टक्क्यांनी वाढ केल्यानंतर केंद्रीय कर्मचाऱ्यांचा एकूण महागाई भत्ता ३८ टक्क्यांवर पोहोचला आहे. नवीन महागाई भत्ता (DA वाढ) सप्टेंबर 2022 च्या पगारात दिला जाईल.
यामध्ये जुलै आणि ऑगस्ट या दोन महिन्यांच्या थकबाकीचे पैसेही येणार आहेत. नवीन महागाई भत्ता 1 जुलै 2022 पासून लागू मानला जाईल. एकंदरीत नवरात्रीच्या वेळी ते सरकार भरणार आहे. त्यामुळे कर्मचाऱ्यांच्या खिशात मोठा पैसा येणार आहे.
7th Pay Commission: सरकारी कर्मचाऱ्यांचा पगार अडीच पटीने वाढणार!
पगारात काय फरक पडणार?
7 व्या वेतन आयोगात किमान मूळ वेतन 18,000 रुपये आणि कॅबिनेट सचिव स्तरावर 56,900 रुपये आहे. 38 टक्क्यांनुसार, 18,000 रुपयांच्या मूळ वेतनावरील वार्षिक डीएमध्ये एकूण वाढ 6,840 रुपयांना मिळेल.
एकूण डीए दरमहा 720 रुपयांनी वाढेल. 56,900 रुपयांच्या कमाल मूळ वेतनाच्या ब्रॅकेटमध्ये, वार्षिक महागाई भत्त्यात एकूण वाढ 27,312 रुपये असेल. या वेतन ब्रॅकेटमध्ये असलेल्यांना 34% च्या तुलनेत 2,276 रुपये अधिक मिळतील.
मोठी बातमी: राज्यात 15 सप्टेंबरपासून जम्बो भरती; या विभागात 78000 पदे भरणार
महागाई भत्ता किती वाढणार, कसा वाढणार?
AICPI-IW (ऑल इंडिया कंझ्युमर प्राइस इंडेक्स- इंडस्ट्रियल वर्कर) च्या पहिल्या सहामाहीची आकडेवारी जाहीर करण्यात आली. यामध्ये निर्देशांक 0.2 अंकांनी वाढून 129.2 वर पोहोचला. कर्मचार्‍यांचा महागाई भत्ता ठरवण्यासाठी सरकार या निर्देशांकाचा डेटा वापरते.
निर्देशांकात वाढ झाल्यामुळे डीएमध्ये ४ टक्के वाढ झाली आहे. महागाई भत्त्यात ४ टक्क्यांनी वाढ होणार असल्याचा दावा तज्ञ करत आहेत. एक कोटीहून अधिक केंद्रीय कर्मचारी आणि पेन्शनधारकांना याचा लाभ मिळणार आहे.
Share your comments