नितीन गडकरी भारतातील पहिले सीएनजी ट्रॅक्टर लाँच करणार

Nitin Gadkari

रॅमॅट टेक्नो सोल्यूशन्स आणि टोमॅसेटो अचिली इंडिया यांनी संयुक्तपणे भागीदारी केलेले रूपांतरीत सीएनजी ट्रॅक्टर , कमी खर्च आणि ग्रामीण भागातील नोकरीच्या संधी निर्माण करणार तसेच शेतकऱ्यांना त्यांचे उत्पन्न वाढविण्यात मदत करेल.

केंद्रीय रस्ते वाहतूक आणि महामार्ग मंत्री नितीन गडकरी यांच्या हस्ते 12 फेब्रुवारीला कंप्रेस्ड नॅचरल गॅस (सीएनजी) मध्ये रूपांतरित करण्यात आलेला भारतातील पहिले सीएनजी ट्रॅक्टर औपचारिकपणे सुरू होईल.केंद्रीय मंत्री धर्मेंद्र प्रधान, नरेंद्रसिंग तोमर, पार्शोत्तम रुपाला आणि जनरल (सेवानिवृत्त) व्ही.के. सिंहदेखील या प्रारंभास उपस्थित राहतील रस्ते वाहतूक आणि महामार्ग मंत्रालयाने प्रसिद्धीस दिलेल्या पत्रकात म्हटले आहे, “इंधन खर्चावर वर्षाकाठी एक लाखापेक्षा जास्त रुपये वाचविले जाऊ शकतात त्यामुळे याचा शेतकऱ्यांना सर्वात महत्त्वाचा फायदा होईल.

हेही वाचा:आता चेक क्लिअरिंगला नाही वेळ लागणार; लवकरच लागू होणार नवा नियम

ट्रॅक्टरला सीएनजीमध्ये रूपांतरित करण्याचे फायदे अनेक आहेत, चाचणी अहवालात असे दिसून येते की डिजेल चालवलेल्या इंजिनच्या तुलनेत सीएनजी ट्रॅक्टर जास्त शक्ती / समान उत्पादन करतो. दुसरे म्हणजे डिझेलच्या तुलनेत एकूण उत्सर्जन 70 टक्क्यांनी कमी होते यामुळे प्रदूषण सुद्धा कमी होते . तिसरे म्हणजे, सध्याच्या डिझेलचे दर 78 रुपये प्रति लीटर आहेत तर सीएनजी फक्त 42 रुपये किलो आहे म्हणून इंधन खर्चावर 50 टक्क्यांपर्यंत बचत होण्यास मदत होईल.

हेही वाचा:आपल्याला कर्ज मिळत नसल्यास ही एक गोष्ट लक्षात ठेवा त्वरित कर्ज मिळेल

कार्बन व इतर प्रदूषक घटकांचे प्रमाण कमी असल्याने सीएनजी स्वच्छ इंधन आहे. हे किफायतशीर आहे , दूषित नसलेली आहे जमुळे इंजिनचे आयुष्य वाढविण्यात मदत करते आणि त्यासाठी नियमित देखभाल करण्याची आवश्यकता नसते. तसेच हे भविष्य आहे कारण सध्या जगभरात सुमारे 12 दशलक्ष वाहने नैसर्गिक वायूने ​​चालविली जातात आणि अधिक कंपन्या व नगरपालिका दररोज सीएनजी चळवळीत सामील होत आहेत आणि यास प्रोत्साहन देण्यास त्यांचा कल आहे .