महाराष्ट्राची अर्थव्यवस्था लवकरच एक ट्रिलियन डॉलर्सपर्यंत पोहोचेल - राज्यपाल कोश्यारी

Maharashtra's economy will soon reach one trillion dollars - Governor Koshyari

महाराष्ट्र हे एक ट्रिलियन डॉलर्स अर्थव्यवस्थेसाठी सज्ज झाले असून असे करणारे देशातील महाराष्ट्र पहिले राज्य असेल, महाराष्ट्र राज्य स्थापनेच्या ६२ व्या वर्धापन दिनानिमित्त असे राज्यपाल भगतसिंग कोश्यारी बोलत होते. कोश्यारी यांनी शिवाजी पार्क येथे राष्ट्रध्वज फडकवला व कार्यक्रमाला संबोधित केले. यावेळी मुख्यमंत्री उद्धव ठाकरेही उपस्थित होते. कोश्यारी म्हणाले की, महाराष्ट्राने कोविड-१९ च्या तिन्ही लाटांचा सुनियोजित पद्धतीने मुकाबला करताना देशासमोर आदर्श ठेवला आहे. राज्यातील ९२ टक्क्यांहून अधिक प्रौढ लोकसंख्येला कोविड-१९ लसीचा किमान एक डोस देण्यात आला आहे. “राज्य कोविड-१९ साथीच्या आजारातून जात असले तरी राज्याने प्रगती आणि विकासावर कोणताही अडथळा येऊ दिला नाही.

निती आयोगाने जाहीर केलेल्या निर्यात सज्जता निर्देशांकात महाराष्ट्र देशात दुसऱ्या क्रमांकावर आहे, हे ऐकून मला आनंद झाला. केंद्राच्या 'गुड गव्हर्नन्स इंडेक्स रिपोर्ट – २०२१ मध्येही महाराष्ट्र दुसऱ्या क्रमांकावर आहे, . “माझ्या सरकारने बनवलेले इलेक्ट्रिक वाहनांबाबतचे धोरण सर्वसमावेशक असून त्याची अंमलबजावणी राज्यात सुरू झाली आहे.  नैसर्गिक वायूच्या वापराला चालना देण्यासाठी सीएनजीवरील व्हॅट १३.५ टक्क्यांवरून ३ टक्के करण्यात आला आहे. “यामुळे नागरिकांना दिलासा मिळेल,” असे राज्यपाल म्हणाले.

सरकारने दिल्ली-मुंबई कॉरिडॉरसह रायगड जिल्ह्यात बल्क ड्रग पार्कची योजना आखली आहे, ही योजना २५०० एकर क्षेत्रात उभारले जाईल. याशिवाय औरंगाबादमधील ऑरिक स्मार्ट सिटीमध्ये ३५० एकर जागेवर वैद्यकीय पार्क करण्याचेही नियोजन करण्यात आले आहे. रस्ते आणि रेल्वे मार्गावरील ताण कमी करण्यासाठी सरकार प्रवाशांसाठी जलमार्गाला चालना देत आहे, नवी मुंबईतील बेलापूर ते मुंबई, एलिफंटा आणि जेएनपीटीसाठी वॉटर टॅक्सी सेवा सुरू करण्यात आली आहे.

 “माझ्या सरकारने हवाई सेवेला चालना देण्यासाठी विविध निर्णय घेतले आहेत. सिंधुदुर्ग (चिपी), नांदेड, गोंदिया, जळगाव, कोल्हापूर आणि नाशिक येथील विमानतळांवरून उड्डाणे सुरू आहेत. शिर्डी विमानतळावरून डिसेंबर अखेरपर्यंत १० लाखांहून अधिक प्रवाशांनी विमानाने प्रवास केला होता. मुंबईतील सार्वजनिक वाहतूक व्यवस्था मजबूत करण्यासाठी सरकार मेट्रो प्रकल्पांचे बांधकाम जलदगतीने करत आहे, असे कोश्यारी म्हणाले.  मुंबईतील बीडीडी चाळींचा पुनर्विकास आणि कोस्टल रोड, मुंबई-पुणे एक्सप्रेस हायवेची क्षमता वाढवणे आणि इतर यासारख्या महत्त्वाच्या प्रकल्पांना गती मिळाली आहे. “हिंदुहृदयसम्राट बाळासाहेब ठाकरे महाराष्ट्र समृद्धी महामार्गाचे बांधकाम पूर्णत्वास आले असून लवकरच तो अंशत: वाहतुकीसाठी खुला करण्यात येईल. मराठीला अभिजात भाषेचा दर्जा लवकरात लवकर देण्याबाबत राज्य सरकार केंद्राकडे पाठपुरावा करत आहे, असे ते म्हणाले.

आजपर्यंत ग्रामीण भागात महाआवास योजनेंतर्गत ४.७५ लाख घरे देण्यात आली आहेत, अशी माहिती त्यांनी दिली. अपारंपरिक वीज निर्मितीला चालना देण्यासाठी महाराष्ट्र राज्य वीज निर्मिती कंपनी १८७ आणि ३९० मेगावॅट क्षमतेचे सौर ऊर्जा प्रकल्प उभारणा आहे. तसेच ९९,८५२ सौर कृषी पंप झाले आहेत. राज्यातील गड-किल्ले आणि पुरातन मंदिरे यांचे जतन करण्याचे काम हाती घेण्यात आले असून, तिरुमला तिरुपतीला व्यंकटेश्वर मंदिराच्या उभारणीसाठी नवी मुंबईतील जमीन देण्याचा निर्णय सरकारने नुकताच घेतला आहे. “राज्यातील वाघांच्या संवर्धनाच्या कामासोबतच, माझ्या सरकारने महाराष्ट्रात नवीन संवर्धन साठे आणि जैवविविधता वारसा स्थळांच्या निर्मितीलाही प्राधान्य दिले आहे. राज्याच्या हिरवळीबरोबरच खारफुटीच्या जंगलातही वाढ झाल्याचे दिसून आले आहे. राज्यपाल आणि राज्यसरकार मध्ये कायम संघर्ष दिसून आलेला आहे पण काल राज्यपाल महोदयांनी सरकारचे कौतुक केल्यामुळे आश्यर्य व्यक्त करण्यात येत आहे.

महत्वाच्या बातम्या
ई-कॉमर्स क्षेत्रात भारत सरकारची पावले,वाचा सविस्तर 
महिलांसाठी राखीव कृषी योजनांचा लाभ घेण्यासाठी 'लक्ष्मी' योजनेत महिलांचे नाव सातबाऱ्यावर लावा- कृषीमंत्री दादाजी भुसे