कांद्याची थकीत रक्कम नाशिकच्या शेतकऱ्यांना लवकर मिळणार

16 February 2019 08:12 AM


मुंबई:
नाशिक जिल्ह्यातील कांदा उत्पादक शेतकऱ्यांची कांदा विक्रीची थकीत रक्कम लवकरात लवकर अदा करण्याचे आदेश उत्तर प्रदेशातील कांदा व्यापारी मे. नाज आलु कंपनीला उत्तर प्रदेश सरकारने दिले आहेत. कृषी व पणनमंत्री सदाभाऊ खोत यांनी या प्रकरणात उत्तर प्रदेशचे मुख्यमंत्री योगी आदित्यनाथ यांच्याशी पत्रव्यवहार करुन पाठपुरावा केला होता.

बागलाण (जि. नाशिक) कृषी उत्पन्न बाजार समितीमधील ‘आर. एल. ट्रेडींग कंपनी’चे आडतदार अकील शेख यांनी नाशिक जिल्ह्यातील शेतकऱ्यांच्या कांद्याची चक्रपूर बाजार समिती (कानपूर) येथील नाज आलु कंपनीला विक्री केली होती. नाज आलु कंपनीने कांदा विक्रीची रक्कम थकविल्यामुळे आडतदार अकील शेख हे येथील शेतकऱ्यांना पैसे अदा करु शकले नाहीत. त्यामुळे तेथील शेतकऱ्यांनी श्री. खोत यांची भेट घेऊन या प्रकरणात लक्ष घालण्याची मागणी  केली  होती.

श्री. खोत यांनी उत्तर प्रदेश सरकारला पत्र देऊन महाराष्ट्रातील कांदा उत्पादकांची थकीत रक्कम मिळावी यासाठी तोडगा काढण्याची मागणी केली होती. त्यानुसार तेथील कृषी, पणन आणि कृषी परदेश व्यापार विभागाने नाज आलु कंपनीला तात्काळ ही रक्कम अदा करण्याबाबत निर्देश दिले होते. त्यावर नाज कंपनीने 1 कोटी 37 लाख 51 हजार रुपयांपैकी 1 कोटी 28 लाख 81 हजार रुपये महाराष्ट्रातील कंपनीला अदा केले आहेत. उर्वरित रक्कम लवकरच अदा करण्याबाबतही नाज कंपनीला निर्देश दिले आहेत, असे उत्तर प्रदेश सरकारने कळविले आहे.

sadabhau khot onion कांदा सदाभाऊ खोत योगी आदित्यनाथ Yogi Adityanath nashik नाशिक
English Summary: Due amount of Onion get early to Nashik Farmers

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.