घरबसल्या स्मार्ट फोन वरून हाताळता येणार हे ट्रॅक्टर

घरबसल्या स्मार्ट फोन वरून हाताळता येणार हे ट्रॅक्टर

नांगरणी, पेरणीसह शेतातील सर्व कामे होणार सोपी…

जॉन डीअर या जगप्रसिद्ध कंपनीने नुकतेच परदेशात आपले स्वयंचालित ऑटोनॉमस ट्रॅक्टरचे प्रदर्शन केले. परंतु ते अद्याप बाजारात आलेले नाही. या ट्रॅक्टरची काही वैशिष्ट्ये कंपनीकडून सांगण्यात अली आहेत. हे ट्रॅक्टर कोणत्याही व्यक्तीच्या मदतीशिवाय शेतात नांगरणी आणि बियाणे पेरण्याचे काम पूर्ण करण्यास सक्षम असल्याचे सांगण्यात आले. इतकंच नाही तर कोणत्याही खडबडीत रस्त्यावरही तो स्वतःचा रस्ता बनवू शकतो. त्यासाठी कोणत्याही सूचनांची आवश्यकता नाही. तो स्वतःचा मार्ग बनवतो. तसे असेल तर शेतकऱ्यांचे आधुनिक शेतीचे स्वप्न साकार करण्यात हा ट्रॅक्टर खरोखरच महत्त्वाची भूमिका बजावू शकतो. नुकताच हा ट्रॅक्टर अमेरिकेतील लास वेगास येथे झालेल्या कंझ्युमर इलेक्ट्रॉनिक्स शोमध्ये प्रदर्शित करण्यात आला आहे. मात्र, ते परदेशात डेमो म्हणून दाखवण्यात आले आहे. तेथे यशस्वी चाचणी झाल्यानंतर ते बाजारात दाखल केले जाईल. भविष्यात जॉन डीअर कंपनी हे भारतातही आणेल.

काय असेल ऑटोनॉमस ट्रॅक्टरचा यूएसपी / फीचर्स… जाणून घेऊ ऑटोनॉमस ट्रॅक्टरची वैशिष्ट्ये

कंपनीने सध्या या नवीन ऑटोनॉमस ट्रॅक्टरला 8R असे नाव दिले आहे.जगातील हा पहिलाच ट्रॅक्टर असेल जो स्वतः धावेल, माणसाला चालवण्याची गरज भासणार नाही.

एवढेच नाही तर राज्यातील खेड्यापाड्यातील ओबडधोबड रस्त्यांवर कुठेही टाका, तो स्वतःचा रस्ता बनवेल. तसेच आसपासच्या परिस्थितीशी जुळवून घेईल. त्यासाठी वारंवार सूचनांचीही आवश्यकता नसते.

हे ट्रॅक्टर शेताची नांगरणी आणि नेमून दिलेल्या जागेत बियाणे पेरण्याचे काम आपोआप करतो. या दरम्यान मार्गात काही अडथळे आले तर ते स्वतः दूर करून पुढे जाईल.

त्याचबरोबर या ट्रॅक्टरमध्ये सहा कॅमेरे असून ते आर्टिफिशियल इंटेलिजन्सवर काम करतात.

शेतकरी हे ट्रॅक्टर त्यांच्या स्मार्ट फोनवरूनही नियंत्रित करू शकतात. म्हणजेच ते हे ट्रॅक्टर त्यांच्या घरी बसून शेतात पाठवू शकतात किंवा शेतात काम करत असताना त्यांना इतर काही कामासाठी विचारू शकतात किंवा काम सुटल्यावर परत बोलावू देखील शकतात.

ऑटोनॉमस ट्रॅक्टरचे फायदे

भविष्यात जॉन डीअर कंपनीने भारतात ऑटोनॉमस ट्रॅक्टर आणले तर येथील शेतीची स्थिती आणि दिशा बदलेल. याचा शेतकऱ्यांना मोठा फायदा होईल. एक तर कमी श्रम वाचतील, तर कामही कमी वेळेत पूर्ण होणार. यामुळे शेतकरी मजुरांची गरजही कमी होईल. त्याचबरोबर एकाच ट्रॅक्टरच्या मदतीने बहुतांश कामे पूर्ण करून शेतीचा खर्चही कमी करता येतो. यामुळे शेतकऱ्यांना जास्त उत्पादन आणि जास्त नफा मिळेल.

जॉन डीअर या कंपणीनेच पहिल्यांदा नांगर बनवला होता.

जॉन डीअर कंपणी ने तयार केलेलीे यंत्रे

या कंपनीने 1837 मध्ये शेतात नांगरणी आणि पेरणीसाठी वापरल्या जाणाऱ्या ट्रॅक्टरच्या मागे जड लोखंडी नांगर बनवला होता. या कंपनीने शेतकऱ्यांसाठी अनेक उपयुक्त गोष्टी बनवल्या आहेत. या भागात, कंपनीने एक नवीन शोध लावला आहे आणि सेल्फ प्रोपेल्ड ट्रॅक्टर सार्वजनिक केले आहे.

ऑटोनॉमस ट्रॅक्टर असे काम करते

जॉन डीअर कंपनीचा ऑटोनॉमस ट्रॅक्टर अत्याधुनिक उपकरणांनी सुसज्ज आहे. त्याच्या सहा कॅमेऱ्यांमुळे, तो शेतात काम करताना स्वतःचा मार्ग ठरवण्यासाठी कृत्रिम बुद्धिमत्तेचा वापर करतो. फक्त एकदा शेतात सोडा. पेरणी करायचीच असेल तर त्यामध्ये बसवलेल्या यंत्रात बी भरून सूचना द्याव्यात आणि नांगरणी करायची असेल तर नांगरणीही आपोआप होईल. या ट्रैक्टरची खास गोष्ट म्हणजे समोर कोणताही अडथळा आला तरी हा ट्रॅक्टर स्वतःच दूर करत पुढे सरकतो. यासाठी जीपीएसची गरज भासणार नाही. शेतकरी त्यांच्या स्मार्ट फोनद्वारे कुठूनही सूचना देऊ शकतात.

ऑटोनॉमस ट्रॅक्टरची किंमत

अमेरिकेतील लास वेगास येथे झालेल्या कंझ्युमर इलेक्ट्रॉनिक्स शोमध्ये प्रदर्शित करण्यात आलेल्या ऑटोनॉमस ट्रॅक्टरच्या किमतीबाबत जॉन डीअर कंपनीने अद्याप खुलासा केलेला नाही. तसे, त्याची किंमत सुमारे 8 दशलक्ष डॉलर्स असू शकते असा अंदाज आहे. या संदर्भात कंपनीचे मुख्य तांत्रिक अधिकारी जेमी हिंडमन म्हणतात की, ते खरेदी करण्याऐवजी शेतकरी गरज पडल्यास भाड्याने देऊ शकतात. भाडेही मासिक भरता येते.