MBA शेतकऱ्याची यशोगाथा!! MBA केल्यानंतर विदेशात नोकरीं केली; आता मायदेशी परतून ऊस उत्पादक शेतकऱ्यांना करतोय मदत

Sugarcane seed Making

गेल्या अनेक वर्षांपासून शेतीमध्ये नुकसान झेलत असलेला बळीराजा अक्षरशा बेजार झाला आहे. यामुळे अनेक शेतकरीपुत्र शिक्षण पूर्ण करून नोकरी करण्याचे स्वप्न बघतात. त्यांना शेती म्हणजे तोट्याची असे वाटते मात्र आज आम्ही आपणांस अशा एका अवलियाची माहिती देणार आहोत ज्याने विदेशात शिक्षण पूर्ण केले विदेशातच नोकरी केली मात्र आता मायदेशी परतून आपल्या शेतकऱ्यांची मदत करत आहे.

हा अवलिया उत्तर प्रदेश मधील पिलिभित येथील असून त्याचे नाव आहे हरिजीत सिंग. हरिजीत मशीनचा उपयोग करून ऊस उत्पादक शेतकऱ्यांसाठी उसाचे बेणे तयार करून देतात. हरीजीत यांनी उत्पादित केलेले बेणे पंचक्रोशीत मोठे प्रसिद्ध असून त्याची दिवसेंदिवस मागणी वाढत आहे.

उसाच्या बियाण्याची मागणी लक्षात घेता हरिजीत यांनी आपल्या गावात एक ऑफिस खोलले आहे व तिथेच ते बाजार भरून त्याची विक्री करत असतात. विशेष म्हणजे खरेदीसाठी आलेल्या ऊस उत्पादक शेतकरी त्यांच्या डोळ्यासमोर उसाचे बेणे तयार होताना बघतात आणि तेच खरेदी करतात.

2008 मध्ये हरजीत एमबीए शिकण्यासाठी आयर्लंडला गेला होता. शिक्षण संपवून तो चांगल्या पगारावर काम करू लागला. परदेशातील नोकरी, मोठं पॅकेज, चांगली जीवनशैली सोडून हरजीत 2016 मध्ये आपल्या भावाकडे घरी आला.  मार्केटिंगची पदवी, भावाच्या शेतीतून मिळालेल्या अनुभवामुळे शेतीत नाविन्य आणण्याचा विचार सुरू झाला.  त्यांनी सोशल मीडियावर शेतीविषयक नवनवीन माहिती शोधण्यास सुरुवात केली. यासाठी त्यांना घरच्यांचाही पूर्ण पाठिंबा मिळाला.

हरजीतने 2016 मध्ये मशीनद्वारे उसाचे बियाणे तयार केले.  पूर्वी हे बियाणे त्यांच्या शेतात अल्प प्रमाणात वापरले जात होते. आज 10 एकर शेतजमिनीत हे बियाणे तयार केले जात आहे. हरजीत सांगतात की, ऊस उत्पादनासाठी ऊस उत्पादक शेतकरी शेतात उसाचे दोन तुकडे करून ऊसाचे पीक तयार करायचे. त्यामुळे बराचसा ऊस खराब होतं असे. 

उसातील गुठळ्यापासून बी तयार होते. या गुठळ्या मशीनने कापून आम्ही बेणे तयार केले आहे. ज्याला आपण डोळा म्हणतो. शेतात लहान तुकडे पेरणे तुलनेने सोपे आहे. या पद्धतीने तयार केलेल्या उसाचे बेणे 80 टक्के उगवणक्षमता देण्यास सक्षम आहे. यामुळे, उत्पादन देखील वाढते. खर्चही कमी आहे. ऊस लांब व जाड निघतो असे हरीजीत यांनी स्पष्ट केले.

• संबंधित बातमी : Tomato Farming : विदर्भातील नवयुवक शेतकऱ्याचा नावीन्यपूर्ण प्रयोग!! उन्हाळी टोमॅटोची यशस्वी लागवड
• संबंधित बातमी : शेतकरी दाम्पत्याची यशोगाथा! मिश्र शेती करून कमावले लाखो रुपये
• संबंधित बातमी : Successful Farmer : फक्त पाच एकरात घेतले सुमारे 125 टन खरबूजचे उत्पादन