महाराष्ट्र राज्य खादी व ग्रामोद्योग मंडळ चालवणार मध केंद्र योजना

21 January 2021 12:15 PM By: KJ Maharashtra
मध केंद्र योजना

मध केंद्र योजना

शेतकऱ्यांचे आर्थिक उत्पन्न दुप्पट व्हावे,यासाठी सरकार विविध योजना राबवत असते. शेतीशी पुरक व्यवसाय शेतकऱ्यांनी करावा यासाठी सरकार आग्रही आहे. शेतीला पुरक व्यवसायांमध्ये आता प्रक्रिया उद्योगही केली जात आहेत. या जोड व्यवसायातील सर्वात मोठा आणि भरपूर नफा देणारा व्यवसाय म्हणजे मधूमक्षिका पालन.

या व्यवसायासाठी स्वतंत्र जागेची गरज नाही,किंवा त्याला कोणत्या शेडची गरज नाही. मधुमक्षिका पालन व्यवसाय करणाऱ्यांची संख्या वाढवी यासाठी राज्य सरकारने मध केंद्र योजना सुरू केली आहे.महाराष्ट्र राज्य खादी व ग्रामोद्योग मंडळामार्फत मध केंद्र योजना कार्यान्वित करण्यात आली आहे. या योजनेचा फायदा घेण्यासाठी पात्र असलेल्या व्यक्ती, संस्थांकडून अर्ज मागविण्यात येत आहेत. या योजनेचे खास वैशिष्ट्य म्हणजे या योजनेमध्ये मध उद्योगांचे मोफत प्रशिक्षण, मध उद्योगामध्ये लागणाऱ्या साहित्य स्वरूपात 50 टक्के अनुदान व स्वतःची गुंतवणूक 50 टक्के, तयार मधाची हमीभावाने खरेदी तसेच मधमाशांच्या संरक्षण व संवर्धनाची जनजागृती करणे इत्यादी या योजनेमध्ये अंतर्भूत असलेल्या इतर गोष्टी आहेत.

   

मध केंद्र योजनेसाठीची पात्रता

  • अर्जदार साक्षर असावा.

  • अर्जदाराचे वय 18 वर्षापेक्षा जास्त असावे.

  • त्याने 10 दिवस प्रशिक्षण घेतलेले असावे.

  • केंद्रचालक प्रगतिशील मधपाळ व्यक्तीची पात्रता किमान दहावी उत्तीर्ण असणे आवश्यक आहे.

  • वय वर्षे 21 पेक्षा जास्त अशा व्यक्तीच्या नावे किमान किंवा त्या व्यक्तीच्या कुटूंबातील कोणत्याही व्यक्तीच्या नावे किमान एक एकर शेती जमीन किंवा भाडेतत्त्वावर घेतलेली शेतजमीन असणे आवश्यक आहे.

  • मधमाशापालन प्रजनन व मध उत्पादन इत्यादी बाबतीत लोकांना प्रशिक्षण देण्याची क्षमता व सुविधाही लाभार्थीकडे असावी.

  • संस्थेच्या नावे किंवा एखादी भाडेतत्त्वावर घेतलेली 1000 चौरस फोटो सुयोग्य इमारत असावी.

  • तसेच संबंधित संस्थेकडे मधमाशापालन प्रजनन व मध उत्पादन बाबतीत लोकांना प्रशिक्षण देण्याची क्षमता असलेले सेवक असावीत.

  • महाराष्ट्र राज्य खादी व ग्रामोद्योग मंडळाने निश्चित केलेल्या ठिकाणी प्रशिक्षण घेणे अनिवार्य राहील.

  • लाभार्थ्यांची निवड प्रक्रिया झाल्यानंतर प्रशिक्षणापूर्वी मध्ये व्यवसाय सुरू करणे संबंधी मंडळास बंद पत्र लिहून देणे अनिवार्य राहील.

  महाराष्ट्र राज्य खादी व ग्रामोद्योग मंडळामार्फत मध केंद्र योजना कार्यान्वित करण्यात आले आहे. तरी पात्र लाभार्थ्यांनी या योजनेचा लाभ घ्यावा.

महाराष्ट्र राज्य खादी व ग्रामोद्योग मंडळ Maharashtra State Khadi and Village Industries Board मध केंद्र योजना Honey Center Scheme मधूमक्षिका पालन Beekeeping
English Summary: Honey Center Scheme to be run by Maharashtra State Khadi and Village Industries Board

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय








CopyRight - 2021 Krishi Jagran Media Group. All Rights Reserved.