शेतकऱ्यांसाठी आनंदाची बातमी; पीएम किसान योजनेतून १० हजार रुपये मिळण्याची शक्यता

20 January 2021 12:41 PM By: भरत भास्कर जाधव
पीएम किसान  योजनेतील रक्कम वाढणार

पीएम किसान योजनेतील रक्कम वाढणार

केंद्र सरकार शेतकऱ्यांना नव्या वर्षात एक अनोखी गिफ्ट देण्याचा विचार करत आहे. एक फेब्रुवारीला अर्थ मंत्री निर्मला सीतारमण आर्थिक वर्ष २०२१-२२ साठी अर्थसंकल्प सादर करणार आहे. याच्या तयारी सुरू झाली असून या अर्थ संकल्पात सरकार पुर्ण लक्ष शेतकऱ्यांकडे देणार आहे. तिन्ही कृषी कायद्यांविरोधात दिल्लीच्या सीमेवरती शेतकरी आंदोलन करत आहेत.

यामुळे शेतकऱ्यांचा विश्वास मिळवण्यासाठी सरकार अर्थ संकल्पात शेतकऱ्यांसाठी काही मोठ्या घोषणा करण्याची शक्यता आहे. जाणकारांच्या मते, कृषी कायद्यांविरोधात आंदोलन करणाऱ्या शेतकऱ्यांना आपल्याकडे आकर्षित करण्यासाठी अर्थमंत्री निर्मला सीतरामण ह्या येत्या अर्थ संकल्पात मोठी घोषणा करतील. दरम्यान सरकार शेतकरी सन्मान निधी योजनेतून वर्षाला मिळणारे ६ हजार रुपयांऐवजी १० हजार रुपये मिळू लागतील. एका वृत्त वाहिनीने याविषयीचे वृत्त प्रसारित केले आहे.

 

दरम्यान मिळालेल्या माहितीनुसार शेतकऱ्यांना मिळणारी रक्कम ही वाढवून दहा हजार रुपये होणार आहे. शिवाय पीएम किसान योजनेच्या अंतर्गत मिळणारी रक्कम ही पुरेशी नसल्याचे शेतकरी सांगतात. यामुळे सरकार या योजनेतून देण्यात येणारी आर्थिक मदत वाढवेल अशी शक्यता वर्तवण्यात येत आहे. आर्थिक वर्ष २०१९-२० च्या अर्थसंकल्पात १.५१ लाख कोटी रुपयांची तरतूद शेतीसाठी करण्यात आली होती. हा बजेट पुढील आर्थिक वर्षात २०२०-२१ मध्ये १.५४ लाख कोटी रुपये झाले. म्हणजेच ग्रामीण विकासासाठी देण्यात येणाऱ्या रक्कमेत १.४४ लाख कोटी रुपयांची वाढ करण्यात आली. पीएम कृषी सिंचन योजनेच्या अंतर्गत यात २०१९-२० मध्ये ९ हजार ६८२ कोटी मध्ये वाढ करुन २०२०-२१ मध्ये ११ हजार १२७ कोटी रुपये करण्यात आले.

हेही वाचा : पीएम किसान योजनेतील पाच बदल; शेतकऱ्यांसाठी आहेत फायदेशीर

दरम्यान सरकारने शेतकरी सन्मान निधी योजना १ डिसेंबर २०१८ मध्ये सुरू केली होती. सरकार या योजनेच्या अंतर्गत शेतकऱ्यांना वर्षाला ६ हजार रुपयांची आर्थिक मदत करत असते. शेतकऱ्यांच्या बँक खात्यात एप्रिल- जुलै, ऑगस्ट- नोव्हेंबर, डिसेंबर- मार्चच्या दरम्यान पैसे पाठवले जातात.

 

पीएम किसान योजनेच्या संकेतस्थळावर देण्यात आलेल्या माहितीनुसार, या योजनेच्या अंतर्गत ११.४७ कोटी लाभार्थ्यांना आर्थिक मदत होते.

PM Kisan Yojana PM Kisan Samman Nidhi Yojana केंद्र सरकार central government अर्थमंत्री निर्मला सीतारमण Union Finance Minister Nirmala Sitharaman पीएम किसान पंतप्रधान शेतकरी सन्मान निधी योजना
English Summary: Good news for farmers; Possibility to get Rs 10,000 from PM Kisan Yojana

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय








CopyRight - 2021 Krishi Jagran Media Group. All Rights Reserved.