Ration Card Update: मोठी बातमी! 'हे' एक काम केलं नाही तर रेशन मिळणार नाही; वाचा याविषयी

Ration Card Update

नवी मुंबई: सरकारने देशातील कोट्यवधी लोकांना मोफत अन्नधान्याची सोय केली आहे. त्यामुळे देशातील गरीब जनतेला मोठा दिलासा मिळाला आहे. शासनाकडून मोफत रेशन अजूनही दिले जात आहे. त्याचबरोबर मोफत रेशनबाबत अनेक बातम्या प्रसारमाध्यमांमध्ये येत आहेत. त्याचबरोबर आता सरकारी रेशनची सुविधा घेणाऱ्यांचे रेशन कार्ड आणि आधार लिंक करण्याचा नियम सरकारने केला आहे.

रेशनकार्ड आधारशी लिंक करण्यासाठी सरकारने यापूर्वी 31 मार्च ही अंतिम तारीख निश्चित केली होती. जर तुम्ही तुमचे रेशन कार्ड आधारशी लिंक केले नसेल तर ते लवकर पूर्ण करा. खरे तर रेशन आधार कार्डशी लिंक केले नाही तर सरकारकडून मोफत रेशनची सुविधा बंद केली जाईल.

वास्तविक पाहता सरकारने आधार कार्ड रेशन कार्डशी लिंक करणे अनिवार्य केले आहे कारण की सरकारला वन रेशन वन नेशन योजना लागू करायची आहे. शिधापत्रिका आधारशी लिंक केल्यानंतर तुम्ही तुमच्या शिधापत्रिकेच्या मदतीने देशाच्या कोणत्याही कानाकोपऱ्यात रेशनच्या सुविधेचा लाभ घेऊ शकाल.

रेशन कार्ड आधार कार्डशी लिंक करण्याचा ऑनलाइन मार्ग:

»सर्वप्रथम तुम्हाला UIDAI च्या अधिकृत वेबसाइट uidai.gov.in ला भेट द्यावी लागेल. येथे तुम्हाला 'स्टार्ट नाऊ' पर्याय मिळेल त्यावर क्लिक करा.

»यानंतर, तुमचे राज्य, जिल्हा आणि इतर आवश्यक माहिती प्रविष्ट करा.

»आता 'रेशन कार्ड' या पर्यायावर क्लिक करावे लागणार आहे.

»आता तुमचा शिधापत्रिका क्रमांक टाका. त्यानंतर आधार नोंदणीकृत मोबाईल क्रमांक भरा.

»तुम्हाला एक OTP मिळेल. OTP टाकल्यानंतर सबमिट करा. तुमचे रेशन कार्ड आधार कार्डशी यशस्वीरित्या लिंक केले जाईल.

रेशन कार्ड आधार कार्डशी लिंक करण्याचा ऑफलाइन मार्ग:

»आधार कार्ड प्रत आणि पासपोर्ट आकाराचा फोटो घ्या.

»यानंतर, या कागदपत्रांसह रेशन दुकानात जा आणि फॉर्म भरा.

»तेथे तुमचे बायोमेट्रिक पडताळले जाते.

»यानंतर तुमचे रेशन कार्ड ते आधार कार्डशी लिंक केले जाईल.

»आधारशी रेशन लिंक करण्याबाबतची माहिती तुम्हाला तुमच्या नोंदणीकृत मोबाईलवर संदेशाद्वारे दिली जाईल.