जास्त तापमानामुळे फळपिकांच्या होणार्‍या नुकसानीपासून विमा संरक्षण

राज्यात निवडक फळपिकांसाठी हवामान आधारित प्रधानमंत्री फळपिक विमा योजना राबविण्यात येत आहे. सदर योजना फळपिक निहाय अधिसूचित केलेल्या जिल्हयामधील, तालुक्यातील, महसूल मंडळात राबविण्यात येते. कार्यान्वित करणारी विमा कंपनी सदर योजना शासनाच्या निर्देशित हवामान केंद्र येथे नोंदल्या गेलेल्या हवामानाच्या तपशिलानुसार विमा योजनेत भाग घेतलेल्या शेतकऱ्यांना ग्राह्य होणारी नुकसान भरपाई परस्पर देईल.

मार्च 2019 मध्ये काही ठिकाणी तापमानात खूप वाढ दिसून आली आणि येणार्‍या एप्रिल व मे 2019 मध्ये तापमान वाढण्याची शक्यता लक्षात घेता, यामुळे काही पिकांच्या उत्पादनावर विपरीत परिणाम होऊ शकतो. या परिस्थितीत ठराविक फळपिक निहाय तापमान ठराविक मर्यादेच्या पुढे गेल्यास त्या त्या फळपिकासाठी निश्चित करण्यात आलेल्या हवामान धोके/ट्रिगर नुसार त्या फळपिकासाठी विमा योजनेत भाग घेतलेल्या शेतकऱ्यास नुकसान भरपाई मिळू शकते.

मोसंबी, संत्रा, केळी, लिंबू व आंबा पिकांसाठी जादा तापमानाचे निश्चित करण्यात आलेले ट्रिगर व त्यानुसार देय होणारी नुकसान भरपाई रक्कम माहिती पुढीलप्रमाणे आहे.

जिल्हानिहाय विमा योजना राबविणारी विमा कंपनी.

शेतकर्‍यांनी अधिक महितीसाठी संबंधित विमा कंपनी किंवा संबंधित तालुका कृषी अधिकारी कार्यालयाकडे संपर्क साधावा.