7th Pay Commission: केंद्रीय कर्मचाऱ्यांना केंद्र सरकारकडून मोठी भेट! DA सह पगारही वाढणार

7 th pay commission

7th Pay Commission: केंद्रीय कर्मचाऱ्यांना (Central employees) केंद्र सरकारकडून सणासुदीच्या तोंडावर लवकरच मोठी भेट मिळू शकते. मिळालेल्या माहितीनुसार दिवाळीपूर्वी कर्मचाऱ्यांच्या महागाई भत्त्यात (DA) वाढ केली जाण्याची शक्यता वर्तवण्यात येत आहे. तसेच फिटमेंट फॅक्टरवरही (Fitment factor) मोठी घोषणा होण्याची शक्यता आहे.

राज्य सरकारांपाठोपाठ आता केंद्र सरकारही आपल्या कर्मचाऱ्यांना या सणासुदीत सुवर्ण भेट देणार आहे. डीए वाढीच्या प्रतीक्षेत असलेल्या केंद्रीय कर्मचाऱ्यांना यंदा दिवाळीपूर्वी दुहेरी धमाका बसणार आहे. यामध्ये त्यांचा डीए वाढवण्यासोबतच केंद्र सरकार (Central Government) फिटमेंट फॅक्टरवरही मोठी घोषणा करू शकते.

केंद्र सरकारचे कर्मचारी या घटकात वाढ करण्याची मागणी अनेक दिवसांपासून करत आहेत. सध्या तो 2.57% आहे. ते 3.68% पर्यंत वाढवण्याची कर्मचाऱ्यांची मागणी आहे. असे झाल्यास कर्मचाऱ्यांचे किमान मूळ वेतन थेट 18,000 रुपयांवरून 26,000 रुपयांपर्यंत वाढेल.

PM Kisan: 21 लाख शेतकऱ्यांना मिळणार नाहीत पीएम किसानचे पैसे; पहा तुमचे तर नाव नाही ना?

केंद्रीय कर्मचाऱ्यांना नवीन आर्थिक वर्ष सुरू होण्यापूर्वी फिटमेंट फॅक्टरमध्ये वाढ होण्याची अपेक्षा होती, परंतु तसे झाले नाही. त्याचवेळी, सणासुदीच्या काळात पुन्हा दिवाळी किंवा दसऱ्यापूर्वी डीए वाढवण्याबरोबरच फिटमेंट फॅक्टरही वाढला पाहिजे, अशी केंद्रीय कर्मचाऱ्यांची अपेक्षा वाढली आहे. याबाबत केंद्र सरकारकडून अद्याप कोणतेही अधिकृत निवेदन जारी करण्यात आलेले नाही.

फिटमेंट फॅक्टर काय आहे ते जाणून घ्या

फिटमेंट फॅक्टर सर्व केंद्रीय सरकारी कर्मचार्‍यांचे मूळ वेतन निर्धारित करते. कर्मचाऱ्यांना मिळणाऱ्या पगारात त्याची सर्वात महत्त्वाची भूमिका असते. त्यामुळे केंद्रीय कर्मचाऱ्यांच्या पगारात लक्षणीय वाढ झाली आहे. 2016 मध्ये जेव्हा 7 वा वेतन आयोग लागू करण्यात आला तेव्हा फिटमेंट फॅक्टर वाढवण्यात आला होता.

Weather Update: महाराष्ट्रासह अनेक राज्यांमध्ये धो धो पाऊस कोसळणार; हवामान खात्याचा अलर्ट जारी

त्यावेळी फिटमेंट फॅक्टर 2.57% पर्यंत वाढवण्यात आला होता. त्यावेळी मूळ वेतन दरमहा 7000 रुपये होते ते वाढून 18000 रुपये झाले. आता डीएसोबत फिटमेंट फॅक्टरही वाढला तर कर्मचाऱ्यांच्या आनंदाला पारावार उरणार नाही.

मिळालेल्या माहितीनुसार, महागाई पाहता केंद्रीय कर्मचाऱ्यांना डीए वाढवण्याचा निर्णय लवकरच घेतला जाऊ शकतो. केंद्रीय कर्मचार्‍यांच्या डीएमध्ये मार्च 2022 मध्ये वाढ करण्यात आली होती. या काळात त्यांचा डीए ३ टक्क्यांनी वाढला होता. त्याच वेळी, आता डीएमध्ये 4% वाढ होण्याची शक्यता आहे.

महत्वाच्या बातम्या:
Gold Price: सोने खरेदीसाठी करू नका उशीर! सोने 5300 रुपयांनी स्वस्त...
कांद्याचा वांदा! बाजारात भाव मिळेना आणि निसर्गाला बघवेना, शेतकरी मेटाकुटीला...