राष्ट्रीय पशुरोग नियंत्रण कार्यक्रमाचा 11 सप्टेंबरला प्रारंभ होणार

10 September 2019 05:43 PM


नवी दिल्ली:
शेतकऱ्यांचे उत्पन्न दुप्पट करण्याच्या दिशेने करण्यात येणाऱ्या प्रयत्नांपैकी महत्वाचा भाग असलेल्या राष्ट्रीय पशुरोग नियंत्रण कार्यक्रमाचा पंतप्रधान नरेंद्र मोदी यांच्या हस्ते उत्तर प्रदेशातल्या मथुरा येथे येत्या 11 सप्टेंबरला प्रारंभ होणार आहे. पशुधनामधला लाळ खुरकत रोग आणि ब्रुसेलोसिस निर्मूलनासाठी हा कार्यक्रम हाती घेण्यात येणार आहे.

यासाठी केंद्र सरकारकडून 100 टक्के निधी पुरवला जाणार असून 2024 पर्यंतच्या पाच वर्षांच्या कालावधीसाठी 12,652 कोटी रुपयांचा खर्च अपेक्षित आहे. या कार्यक्रमाद्वारे 50 कोटी गुरे, म्हशी, बकऱ्या, मेंढ्या आणि डुक्कर यांचे लसीकरण करण्यात येणार आहे. ब्रुसेलोसि‍सच्या निर्मुलनासाठी 3.6 कोटी मादी वासरांचे लसीकरण करण्याचे उदिृष्टही या कार्यक्रमाअंतर्गत ठेवण्यात आले आहे. 2025 पर्यंत रोगावर नियंत्रण मिळवणे आणि 2030 पर्यंत या रोगांचे उच्चाटन करणे असे या कार्यक्रमाचे दोन घटक आहेत.

पंतप्रधान याच दिवशी राष्ट्रीय कृत्रिम गर्भधारणा कार्यक्रम सुरु करणार आहेत. तसेच त्यांच्या हस्ते लसीकरण,  रोग व्यवस्थापन, कृत्रिम गर्भधारणा आणि उत्पादकता या विषयावर देशातल्या 687 जिल्ह्यातल्या कृषी विज्ञान केंद्रामध्ये राष्ट्रव्यापी कार्यशाळांचा प्रारंभही होण्याची शक्यता आहे. पंतप्रधानांच्या मथुरा भेटीत ‘स्वच्छता ही सेवा’ कार्यक्रम होणार आहे.

ब्रुसेलोसिस लाळ खुरकत National Veterinary Disease Control Program राष्ट्रीय पशुरोग नियंत्रण कार्यक्रम narendra modi नरेंद्र मोदी कृत्रिम गर्भधारणा artificial insemination Brucellosis
English Summary: The National Veterinary Disease Control Program will be launched on September 11

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.