साखर कारखान्यांनी सॅनिटायझरचे उत्पादन करावे - केंद्र सरकार

24 March 2020 02:13 PM


देशासह राज्यात कोरोना व्हायरसने थैमान घातले आहे. राज्यात कोरोना बाधितांची संख्या वाढत आहे. देशातून साधारण ३०० जणांना याची लागण झाली आहे. हा व्हायरस संसर्गजन्य असून सरकारने संचारबंदी लागू केली आहे. जेणेकरून हा आजार पसरवू नये. या व्हायरसवर अजून कोणतीच लस उपलब्ध झालेली नाही. परंतु हा व्हायरस आपल्याला लागू नये, यासाठी डॉक्टरांनी उपाय सुचविले आहेत. उपायाच्या मदतीने आपण या व्हायरसच्या धोक्यापासून दूर राहू शकतो.  बाहेरून आल्यानंतर किंवा कुठल्या वस्तूला स्पर्श केल्यानंतर आपले हात धुवावेत. सॅनिटायझरचा वापर करावा, यासाठी सरकार जनजागृती करत आहे. सॅनिटायझरचा खप कमी पडू नये, यासाठी दारू बनिवण्याऱ्या कंपन्या आता सॅनिटायझर बनवत आहेत. दरम्यान देशात सॅनिटायझरचा पुरवठा कमी पडू नये, यासाठी साखर कारखान्यांनी सॅनिटायझरचे उत्पादन करावे,  असे केंद्र सरकारकडून सांगण्यात आले आहे.

सॅनिटायझर तयार करण्यासाठी लागणारे इथिल अल्कोहोल, एक्सट्रा न्यूट्रल अल्कोबल, इथेनॉलचा वाजवी दरात पुरवठा करण्याचे आदेश केंद्र सरकारने राज्य सरकारच्या मुख्य सचिवांना दिले आहेत.  यासाठी इंडियन शुगर मिल्स असोसिएशन, ऑल इंडिया डिस्टलरीज असोसिएशनने प्रयत्न करावेत,  असे या आदेशात म्हटले आहे.  केंद्र सरकारच्या आदेशाच्या संदर्भ घेऊन साखर आयुक्त सौरव राव यांनीही याबाबतचा आदेश कारखान्यांना दिला आहे. ग्राहक संरक्षण, अन्न व सार्वजनिक वितरण मंत्रालय, भारत सरकार नवी दिल्ली यांच्याकडील सुचनेनुसार इथिल अल्कोहोल, एक्सट्रा न्यूट्रल अल्कोहोल, इथेल या घटकांचा अत्यावश्यक वस्तूंच्या यादीमध्ये समावेश केलेला आहे.  या कायद्यातील बदलामुळे यांच्या किमती ५ मार्च २०२० च्या विक्री किमतीच्या पातळीवर आणण्यात आलेल्या आहेत.   सदर किमती ३० जूनपर्यंत ५ मार्चच्या  पातळीवर एक समान ठेवण्यात आलेल्या आहेत. 

ज्या साखरक कारखान्यांमध्ये आसवनी प्रकल्पामधून इथिल अल्कोहोल, एक्सट्रा न्यूट्रल अल्र्कोहोल, इथेनॉल यांचे उत्पादन घेतले जाते, त्या सर्व साखर कारखान्यांनी वरील उत्पादने विकताना १९ मार्च रोजी अत्यावश्यक वस्तू कायद्यामधील झालेल्या बदलानुसार ५ मार्च रोजीच्या किमती विचारत घ्याव्यात आणि त्याप्रमाणे त्यांची विक्री करावी, अन्यथा उपरोक्त कायद्याप्रमाणे जिल्हा प्रशासनाकडून कारवाई करण्यात येणार आहे, असे आयुक्तांनी दिलेल्या आदेशात म्हटले आहे.  महाराष्ट्रातील साखर उद्योगाकडे हे घटक उपलब्ध असून सॅनिटायझर निर्मितीस त्वरित प्राधान्य दिल्यास मोठ्या प्रमाणात देशातील जनतेला दिलासा मिळणार आहे.

सॅनिटायझर केंद्र सरकार साखर कारखाने sugar factory central government sanitizer
English Summary: Sugar factories should produce sanitizer - central government

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय








CopyRight - 2020 Krishi Jagran Media Group. All Rights Reserved.