हळद लागवडीसाठी शेतकऱ्यांना अनुदान

27 August 2018 09:12 AM

हळदीच्या लागवडीला प्रोत्साहन देण्याच्या दृष्टिकोनातून वाशिम जिल्ह्यातील शेतकऱ्यांना दोन हेक्टरच्या मर्यादेत प्रति हेक्टर १६ हजार रुपयेप्रमाणे बेण्यांसाठी, तर हळद प्रक्रियेच्या साहित्यासाठी २५ लाखांपर्यंतच्या खर्चापैकी ४० टक्के रक्कम अनुदान म्हणून देण्यात येणार आहे.

जगातील हळदीच्या उत्पादनापैकी जवळपास ८० टक्के उत्पादन भारतामध्ये होते; परंतु त्यापैकी केवळ १५ ते २० टक्के हळद निर्यात होते. उत्पादनाचा विचार केला असता प्रथम क्रमांक आंध्र प्रदेश असून, त्यानंतर ओरिसा, तामिळनाडू आसाम, कर्नाटक आणि महाराष्ट्र असा क्रम लागतो. महाराष्ट्रामध्ये हळद पिकाखाली ८,५०० हेक्टर क्षेत्र असून, उत्पादन ४२,५०० मेट्रिक टन इतके होते. महाराष्ट्रातील वातावरण हळद लागवडीस अतिशय अनुकूल असल्यामुळे हळदीच्या क्षेत्रात वाढ होण्यास महाराष्ट्रात वाव आहे. तथापि, हळदीच्या दरामधील चढ-उतार, उन्नत जातीच्या लागवडीखालील अपुरे क्षेत्र, सेंद्रिय खतांची कमतरता, मोठ्या प्रमाणात करावा लागणारा मशागत खर्च, नियंत्रित बाजारपेठेचा अभाव, यांत्रिक पद्धतीने काढणी करणे इत्यादी बाबींमुळे शेतकरी या पिकाचा फारसा विचार करीत नाहीत. याच समस्यांचा विचार करून शासनाने हळद लागवडीसाठी प्रोत्साहन देण्याचे ठरविले आहे.

हळदीच्या लागवडीला प्रोत्साहन मिळावे, हा शासनाचा उद्देश आहे. यांतर्गत शेतकऱ्यांना सद्यस्थितीत बेण्यांसाठी दोन हेक्टरच्या मर्यादेत प्रतिहेक्टर १६ हजार रुपयेप्रमाणे अनुदान मिळणार आहे. यासाठी वाशिम जिल्ह्यातील शेतकऱ्यांकडून कडून अर्ज मागविण्यात आले असून, त्याशिवाय हळदीवरील प्रक्रियेसाठी लागणाऱ्या साहित्याच्या खर्चापोटी ४० टक्के अनुदानही शेतकऱ्यांना मिळणार आहे.

हळद अनुदान वाशिम बेणे शेतकरी turmeric Processing Cultivation लागवड प्रक्रिया subsidy washim
English Summary: subsidy to farmers for turmeric cultivation

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय








CopyRight - 2021 Krishi Jagran Media Group. All Rights Reserved.