पाच राज्यात रेकॉर्ड ; एका दिवसात झाली ५५४ कोटींची दारू विक्री

05 May 2020 05:59 PM
photo- Ani

photo- Ani

 

कोरोनामुळे लॉकडाऊन करण्यात आले आहे, यामुळे देशातील उद्योगधंदे बंद आहेत. यामुळे देशातील अर्थव्यवस्था डबघाईला येऊ लागली होती. अर्थव्यवस्था सुरळीत राहण्यासाठी आणि राज्यांना महसूल मिळावा यासाठी दारूची दुकाने उघडण्यात आली. गृह मंत्रालयाच्या मार्गदर्शक सूचनांनुसार सोमवारी दारूची दुकाने उघडण्यात आली. काल सकाळपासूनच लोक दारुच्या दुकानाबाहेर जमायला लागले. पहिल्याच दिवशी पाच राज्यात पाच कोटी रुपयांची दारू विकली गेली. दारूविषयी लोकांमध्ये खूप उत्साह होता हे यावरुन दिसून येते.

दरम्यान याा लॉकडाऊनच्या काळात काही ठिकाणी शिथिलता देण्यात आली. दारुच्या दुकानांसह इतर काही दुकानेही उघडण्यास परवानगी यावेळी देण्यात आली. एकूण ७३६ जिल्ह्यांपैकी ६०० जिल्ह्यात दुकाने उघडली. तथापि, सर्वाधिक गर्दी दारूच्या दुकानांवर होती. काही शहरांमध्ये दोन किलोमीटरपर्यंत लांब रांगा लागल्या. उत्तर प्रदेशात २२५ कोटी, महाराष्ट्रात २०० कोटी, राजस्थानमधील ५९ कोटी, कर्नाटकमध्ये ४५ कोटी आणि छत्तीसगडमध्ये २५ कोटी रुपयांची दारुची विक्री झाली. दरम्यान दिल्लीत दारूच्या किंमतीत ७० टक्क्यांनी वाढ करण्यात आली आहे. दिल्ली सरकारने ‘स्पेशल कोरोना फी’ अंतर्गत हा कर वाढवला आहे.

दिल्लीत दारूच्या किंमतीत ७० टक्क्यांनी वाढ

दिल्ली सरकारने सोमवारी रात्री मोठा निर्णय घेत दारूच्या किंमतीत ७० टक्क्यांनी वाढ केली आहे. मंगळवारपासून म्हणजेच आजपासून वाढीव दर लागू होतील. दिल्ली सरकारने एमआरपीवर ७० टक्के कर जाहीर केला आहे. दिल्लीत दारुची दुकानं सकाळी ९ ते सायंकाळी साडेसहा या वेळेत खुले राहतील. मुख्यमंत्री अरविंद केजरीवाल यांनी लोकांना कायद्याचं अनुसरण करण्याचं आवाहन केलं आहे जेणेकरुन दिल्लीत औद्योगिक व्यवसाय हळूहळू उघडता येतील. ते म्हणाले की जर लोकांनी नियमांचे पालन केलं नाही तर सूट मागे घेतली जाईल.

record in five state 554 crore rupees alcohol sold एका दिवसात झाली 554 कोटी रुपयांची दारु विक्री कोरोना व्हायरस लॉकडाऊन दारु दुकाने liquor store corona virus lockdown
English Summary: record in five state; 554 crore rupees alcohol sold in on day

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.