मॉन्सूनची वाटचाल सरळ रेषेत; मात्र वेग आहे कमी

18 June 2020 06:13 PM By: भरत भास्कर जाधव


नैर्ऋत्य मोसमी वारे मजल दरमजल करत उत्तरेकडे प्रगती करत आहे. मंगळवारी मध्यप्रदेश आणि उत्तर प्रदेशाच्या आणखी काही भागात प्रगती करत मॉन्सूनने इंदौर, खजुराहो, फतेहपूर, बहारीचपर्यंत मजल मारली. दोन दिवसांपासून गुजरातमधील मॉन्सूनची वाटचाल जैसे थे आहे. बंगालच्या उपसागरातील कमी दाबाचे क्षेत्र पोषक ठरल्याने सर्वसाधारण वेळेच्या एका दिवसाआधी मुंबई, पुण्य़ासह संपूर्ण राज्यात मॉन्सून पोहोचला. छत्तीसगड, झारखंड, व बिहारच्या संपूर्ण भाग सोमवारी मॉन्सूनने व्यापला आहे.

मध्यप्रदेश, गुजरात, पूर्व उत्तर प्रदेशच्या काही भागातही मॉन्सूनने प्रगती केली आहे. बंगालच्या उपसागरातील शाखा सक्रिय असल्याने मंगळवारी मध्यप्रदेश, उत्तर प्रदेशात प्रगती केली असून बुधवारी पुढे वाटचाल केली नाही. गुजरातमधील कांडला अहमदाबादपर्यंतची वाटचालही कायम आहे. राजस्थानपासून पूर्व उत्तर प्रदेशापर्यंत असलेला हवेचा पूर्व - पश्चिम कमी दाबाचा पट्टा पाकिस्तान बांग्लादेशापर्यंत विस्तारला आहे. पूर्व विदर्भ आणि परिसरावर ५.८ किलोमीटर उंचीवर, उत्तर कोकण आणि परिसरावर ३.१ ते ७.६ किलोमीटर उंचीपर्यंत चक्राकार वाऱ्यांची स्थिती आहे.

भारतीय हवामान विभागाच्या मते मॉन्सूनचा वेग हा कमी असूनही मॉन्सूनने देशातील बहुतेक राज्यात धडक मारली आहे. अशात दिल्ली - एनसीआरमध्ये अजून मॉन्सून आलेला नाही. राजधानी दिल्लीमध्ये मॉन्सून हा वेळेआधीच येणार असल्याचे सांगण्यात येत आहे.
दिल्लीसह एनसीआरच्या शहरात मॉन्सून २७ जूनच्या आधी धडकणार आहे. दरवर्षी मॉन्सून हा २७ जूनला येत असतो. परंतु यावेळी मात्र दोन ते तीन दिवसाआधी मॉन्सून राजधानीत येणार आहे.

monsoon move on right direction Monsoon monsoon rain IMD forecast IMD हवामान विभाग भारतीय हवामान विभाग मॉन्सून पाऊस मॉन्सून
English Summary: monsoon move on right direction ; but speed is slow

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.