मान्सून आगमन संबंधीची महत्वाची बातमी

मान्सून आगमन संबंधीची महत्वाची बातमी

मे महिन्याच्या मध्यावर किंवा शेवटी भारतीय समुद्रात तयार होणारे च. वादळे मान्सून आगमनावर नक्कीच सकारात्मक किंवा कधी नकारात्मक परिणाम करत असतात. याचे मागील वर्षी आलेले 'तौक्ते' व ' यास ' ह्या दोन वादळवरून आली.

सध्या 'इसीएमडब्लूएफ' व आयएमडीच्या च. वादळ बातमीचा प्रेडिक्शनचा आधार घेऊन लवकर मान्सून आगमनासंबंधी बातम्या मीडियाकडून दिल्या जात आहे.खरं तर अजुन च. वादळ निर्मिती, त्याचे मार्गक्रमण व कालावधी इ संबधी सध्या फक्त शक्यता वर्तवली आहे.

प्रत्यक्षात काय घडेल, हे येणारा काळच सांगू शकेल . त्यातही मान्सून आगमनाच्या घडामोडी भारतीय समुद्रात मे महिन्याच्या शेवटी घडून येतात. तर च. वादळ निर्मिती शक्यता ८-९ मे ला बं उपसागारात जाणवते. ह्या दोन प्रक्रियाची कालावधी साजेशी सांगड होणे व मान्सून करंट खेचण्यासाठी घडून येणे आवश्यक आहे. हे सर्व जर तर च्या कंगोऱ्यावर अवलंबून आहे. 

तेंव्हा तोपर्यंत ग्रामीण भाषेतील मराठी म्हणीप्रमाणे ' म्हैस पाण्यात अन बाहेर मोल ' असेच मान्सून आगमनसंबंधी सध्या बोलले जात आहे, असे वाटते. असे माझे वैयक्तिक मत आहे.एक खुलासा! 

 

माणिकराव खुळे, Meteorologist (Retd.), IMD Pune. ह. मु. वडांगळी ता. सिन्नर, जि. नाशिक.