जळगावात १३ शासकीय हरभरा खरेदी केंद्र सुरू; मिळतोय ‘एवढा’ भाव

30 March 2021 05:42 PM By: भरत भास्कर जाधव
शासकीय हरभरा खरेदी केंद्र

शासकीय हरभरा खरेदी केंद्र

जळगाव जिल्ह्यात शासकीय हरभरा खरेदीचा मुहूर्त झाला आहे. यामुळे शेतकऱ्यांना दिलासा मिळाला आहे. शासकीय खरेदी जळगाव, धरणगावसह १३ केंद्रांत सुरू झाली आहे. जिल्ह्यात नऊ हजार शेतकऱ्यांनी शासकीय केंद्रात हरभरा विक्रीसाठी नोंदणी केली होती.

जिल्ह्यात मंगळवारपर्यंत (ता.३०) टाळेबंदी (लॉकडाऊन) लागू केली आहे. परंतु शासकीय हरभरा खरेदी सुरू आहे. खरेदीला जळगाव, चोपडा, पारोळा, अमळनेर, पाचोरा, रावेर येथे चांगला प्रतिसाद मिळत आहे.धुळ्यातही सुमारे तीन हजार शेतकऱ्यांची नोंदणी झाली आहे. बाजारात हरभऱ्याचे दर हमीभावाच्या जवळपास होते. परंतु सध्या दर ४५०० ते ४६०० रुपये प्रतिक्विंटल, एवढे आहेत. यामुळे शासकीय केंद्रात हरभरा विक्रीसंबंधी नोंदणीधारक शेतकरी प्रतीक्षा करीत आहेत. शासकीय दर ५१०० रुपये प्रतिक्विंटल एवढे आहेत. जळगाव जिल्ह्यात १४ खरेदी केंद्र निश्चित केले असून, यातील फक्त बोदवड येथील खरेदी केंद्र बंद आहे. इतर केंद्र सुरू झाल्याने बाजारातील दरही स्थिरावले आहेत.

 

बाजारात हरभऱ्याला किमान ४५०० रुपये प्रतिक्विंटलचा दर आहे. तर कमाल दर ४७५० रुपयांवर आहे. बाजारातही हरभऱ्याची आवक वाढली आहे. जळगाव व चोपडा येथील बाजार समितीत गेल्या आठवड्यात प्रतिदिन सरासरी चार हजार क्विंटल हरभऱ्याची आवक झाली.दरम्यान, शासकीय खरेदीत मात्र काबुली हरभऱ्यासाठी स्वतंत्र दर नाहीत.

यामुळे काबुली हरभऱ्याची विक्री शेतकरी बाजारात करीत असून, काबुली हरभऱ्याचे दरही साडेआठ हजार रुपये प्रतिक्विंटलपेक्षा अधिक आहेत, अशी माहिती मिळाली.

jalgaon शासकीय हरभरा खरेदी केंद्र Government Gram Shopping Center जळगाव जिल्हा
English Summary: Government's 13 Gram Shopping Centers started in Jalgaon

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.