1. बातम्या

नांदेड जिल्ह्याला अवकाळी पाऊस नुकसानग्रस्तांना ९७ हजार रुपयांचा निधी

भरत भास्कर जाधव
भरत भास्कर जाधव
अवकाळी पाऊस

अवकाळी पाऊस

नांदेड  जिल्ह्यात फेब्रुवारी ते मे २०२० या कालावधीत गारपीट, अवेळी पावसामुळे शेती पिकांचे व बहुवार्षिक पिकाचे नुकसान झाले होते. नुकसानग्रस्त शेतकऱ्यांना मदत देण्यासाठी शासनाने नऊ कोटी ६८ लाख ९७ हजार रुपयांचा निधी मिळाला आहे.

हा निधी सहा तालुक्याला वितरित करण्यात आला, अशी माहिती जिल्हाधिकारी कार्यालयातून देण्यात आली.नांदेड जिल्ह्यात फेब्रुवारी ते मे – २०२० या कालावधीमध्ये गारपीट तसेच अवेळी पाऊस झाला होता. यामध्ये जिल्ह्यातील रब्बी व उन्हाळी शेतीपिकांसह बहुवार्षिक पिकांचे नुकसान झाले होते. यात ३३ टक्क्यांपेक्षा अधिक नुकसान झालेल्या शेतीपिकांचा अहवाल जिल्हा प्रशासनाने कृषी विभागाद्वारे शासनाला कळवला होता.

 

यात फेब्रुवारी व मार्च २०२० या कालावधीत नुकसान झालेल्यांना सात कोटी १५ लाख चार हजार ४९०, एप्रिलमध्ये नुकसान झालेल्यांना दोन कोटी ३२ लाख ६६ हजार ४१० रुपये तर मे २०२० मध्ये नुकसान झालेल्या शेतकऱ्यांना चार लाख ७६ हजार शंभर रुपये मिळाले.दरम्यान, हा निधी संबंधित तालुक्यांना वितरित करण्यात आला. हा निधी तालुका स्तरावरून नुकसानग्रस्त शेतकऱ्यांच्या बँक खात्यावर जमा करण्यात येणार असल्याची माहिती महसूलच्या सूत्रांनी दिली.

 

तालुकानिहाय प्राप्त निधी

नांदेड तालुक्यासाठी २१,६०० रुपये, कंधार तालुक्यासाठी २१ कोटी ४५ लाख ६०० रुपये, लोहा तालुक्यासाठी एक कोटी साठ लाख ७४० रुपये, बिलोली एक कोटी ६३ लाख ५० रुपये, मुखेड एक लाख ८५ हजार ७६० रुपये, हदगाव सात कोटी २५ लाख ४३ हजार ७५० रुपये, माहूर साडेचार हजार असा एकूण नऊ कोटी ६८ लाख ९७ हजार रुपयांचा निधी प्राप्त झाला आहे.

Like this article?

Hey! I am भरत भास्कर जाधव. Did you liked this article and have suggestions to improve this article? Mail me your suggestions and feedback.

Share your comments

आमच्या न्यूसलेटरचे सदस्य व्हा. शेती संबंधीत देशभरातील आताच्या बातम्या मेलवर वाचण्यासाठी आमच्या न्यूसलेटरची सदस्यता घ्या.

Subscribe Newsletters