उद्यापासून राज्यात पावसाचा जोर वाढणार

18 August 2020 09:37 AM By: भरत भास्कर जाधव


उद्या बंगालच्या उपसागरात पुन्हा कमी दाबाचे क्षेत्र सक्रिय होत आहे. या क्षेत्रांची तीव्रता गुरुवारपासून ते रविवारपर्यंत राहणार आहे. त्यामुळे राज्यात पुन्हा पावसाचा जोर वाढणार असून सर्वत्र पाऊस पडण्याची शक्यता आहे. कोकणातील अनेक भागात अतिवृष्टी, घाटमाथ्यावर जोरदार तर मध्यम महाराष्ट्र, मराठवाडा, विदर्भात मध्यम ते जोरदार स्वरुपाचा पाऊस पडण्याचा अंदाज हवामान विभागाच्या सुत्रांनी वर्तविला आहे.

गुजरातच्या दक्षिण भागात असलेलया चक्राकार वाऱ्याची स्थिती आहे. ही स्थिती समुद्रसपाटीपासून २.१ आणि ३.६ किलोमीटर उंचीवर आहे. तसेच छत्तीसगडच्या उत्तर भाग व परिसर आणि मध्य प्रदेशाच्या ईशान्य भाग, उत्तरप्रदेशाच्या नैऋत्य भागापर्यत कमी दाबाचे क्षेत्र आहे. उत्तर प्रदेशाच्या परिसरात काही प्रमाणात चक्राकार वाऱ्यांची स्थिती असून ती समुद्रसपाटीपासून ५.८ किलोमीटर उंचीवर आहे. याशिवाय मॉन्सूनचा पट्टा अनुपगड, चुरु, ढोलापूर, ग्वाल्हेर, सतना ते मध्यप्रदेशचा परिसर, छत्तीसगडचा उत्तर भाग, उत्तर प्रदेशचा आग्नेय भाग आणि बंगालचा उपसागराचा वायव्य भागापर्यंत आहे.

हा पट्टा समुद्रसपाटीपासून १.५ किलोमीटर उंचीवर आहे. त्यामुळे राज्यातील बहुतांशी भागात हलका ते मध्यम स्वरुपचा पाऊस होत आहे. दरम्यान आज आणि उद्या मध्य महाराष्ट्र व मराठवाड्यातील अनेक भागात पावसाची उघडीप राहणार आहे. पण काही भागात अधून मधून हलक्या सरी कोसळतील. बहुतांशी भागात ढगाळ हवामान राहणार आहे. कोकण, घाटमाथ्यावर जोरदार पाऊस पडणार आहे. कोकण किनारपट्टीवर सोसाट्याचा वारा वाहणार आहे.

monsoon rainfall monsoon rain weather department हवामान विभाग मॉन्सून मॉन्सून पाऊस
English Summary: from tomarrow rain will active in all over state

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.