गटशेतीमधुन शेतकरी समृध्‍द होईल

14 January 2019 08:02 AM


कृषी विभाग, महसुल विभाग व वसंतराव नाईक मराठवाडा कृषी विद्यापीठ यांचे संयुक्‍त विद्यमाने नानाजी देशमुख कृषी संजीवनी प्रकल्‍पांतर्गत पाथरी तालुक्‍यातील मौजे ब्रम्‍हपुरी दिनांक 7 जानेवारी रोजी शेतकरी मेळाव्‍याचे आयोजन करण्‍यात आले होते. मेळाव्‍यास विस्‍तार शिक्षण संचालक डॉ. प्रदिप इंगोले, तहसिलदार विद्याचरण कडवकर, विस्‍तार कृषी विद्यावेत्‍ता डॉ. यु. एन. आळसे, तालुका कृषी अधिकारी प्रभाकरजी बनसावडे, माजी सभापती धोंडिरामजी चव्‍हाण आदींची प्रमुख उपस्थिती होती.

मेळाव्‍यात मार्गदर्शन करतांना विस्‍तार शिक्षण संचालक डॉ. प्रदीप इंगोले म्‍हणाले की, नानाजी देशमुख कृषी योजनेत लागणारे कृषी तंत्रज्ञानात्‍मक मार्गदर्शन विद्यापीठामार्फत शेतकऱ्यांपर्यंत पोहोचविण्‍यात येईल तर तहसिलदार विद्याचरण कडवकर यांनी गावाच्‍या विकासा‍साठी नवीन गावठाणातुन शेतरस्‍ते, पाणंद रस्‍ते, जीवनदायीनी नद्यांचे पुनरूज्‍जीवन, शेततळे, ठिबक व तुषार संच, फळबाग योजना आदी बाबींची पुर्तता करण्‍यासाठी सर्वतोपरी मदत करण्‍याचे आश्‍वासन दिले.

तालुका कृषी अधिकारी प्रभाकरजी बनसावडे यांनी नानाजी देशमुख कृषी संजीवनी प्रकल्‍पाबाबत शेतकऱ्यांना माहिती देतांना सांगितले की या प्रकल्‍पांतर्गत सामुदायिक व वैयक्‍तीक शेततळे, फळबाग, ठिंबक व तुषार संच, विहीर, मोटार, प्रक्रिया उद्योग, गोडाउन, शेळीमेंढी पालन, कुक्‍कुटपालन आदीचा समावेश असल्‍याचे सांगितले. तसेच मागेल त्‍याला शेततळे आठ दिवसांत मंजुरी देण्‍याचे त्‍यांनी आश्‍वासन दिले. यावेळी मौजे मिर्झापुर (ता. परभणी) व असनाळ (जि. सोलापुर) या गांवाच्‍या यशोगाथा चित्ररूपांत दाखविण्‍यात आले.

मेळाव्‍यात महसुल विभाग, कृषी विभाग व कृषी विद्यापीठ एकाच व्‍यासपीठावरून गावकऱ्यांना सर्वतोपरी मदत करण्‍याचे आश्‍वासन दिल्‍यांबद्दल गावकऱ्यांनी समाधान व्‍यक्‍त केले. कार्यक्रमाचे सुत्रसंचालन विस्‍तार कृषी विद्यावेत्‍ता डॉ. यु. एन. आळसे केले तर आभार माजी सभापती धोंडिरामजी चव्‍हाण यांनी मानले. मेळाव्‍यास मोठया संख्‍येने गावकरी उपस्थित होते. कार्यक्रम यशस्‍वीतेसाठी पंचायत समिती सदस्‍य अमोल चव्‍हाण, बाळु चव्‍हाण, साहेबराव राठोड, उपसरपंच सदाशिव चव्‍हाण, महेश चव्‍हाण, राम आळसे, रावसाहेब चव्‍हाण, विद्याभुषण चव्‍हाण आदीसह गावकरी मंडळीनी सहकार्य केले.

नानाजी देशमुख कृषी संजीवनी योजना nanaji deshmukh krishi sanjivani yojana Vasantrao Naik Marathwada Krishi Vidyapeeth Parbhani वसंतराव नाईक मराठवाडा कृषी विद्यापीठ
English Summary: Farmers will be rich through group farming

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.