लॉकडाऊनमुळे दूध पावडर अन् बटरचा साठा दूध संघात लॉक

02 September 2020 09:43 AM By: भरत भास्कर जाधव


जळगाव : कोरोनामुळे देशात लॉकडाऊन करण्यात आले होते. आता अनलॉकची प्रक्रिया केली जात आहे. पण अजून बरेच व्यावसाय बंद असल्याने अर्थ चक्र फिरण्यास अडथळा निर्माण होत आहे. यात अडकले आहे जळगावमधील दूध संघ. लॉकडाऊनमुळे दूध व्यावसायालाही फटका बसला आहे. जळगाव दूध संघात दूध पावडर आणि बटरचा साठा पडून असल्याने दूध संघाचे जवळपास ९० कोटी रुपये अजून गोदामात अडकले आहेत.

लॉकडाऊनमुळे हॉटेल, खाद्यपदार्थ विक्रीचे दुकान बंद असल्याने दुधाच्या मागणीत घट झाल्याने जिल्हा दूध संघाकडे एक हजार टन दूध पावडर व एक हजार टन बटरचा साठा शिल्लक आहे. यामध्ये जवळपास ८० ते ९० कोटी रुपये अडकले आहेत. संकलित दुधातून दररोज सरासरी ५० हजार लिटर दूध शिल्लक राहत आहे. मार्च महिन्यापासून कोरोनाचा प्रादुर्भा वाढत गेल्याने लॉकडाऊन जाहीर करण्यात आले, यामुळे हॉटेल, आईस्क्रिम पार्लर, चहा स्टॉल परिणामी दुधाची मागणी घटत गेली. दरम्यान अशी स्थिती असतांना सुद्धा दूध उत्पादकांचे पगार नियमित करण्यात येत आहेत. जिल्हा दूध संघातून औरंगाबाद जिल्हा तसेच मुंबईपर्यंत दुधाचा पुरवठा केला जातो. मात्र सर्वच ठिकाणी हॉटेल, आईस्क्रिम पार्लर, चहा विक्रीची दुकाने बंद असल्याने सर्वच ठिकाणातून दुधाची मागणी घटली आहे.

संघात दररोज दोन लाख दुधाचे संकलने होत असताना मार्च - एप्रिलमध्ये केवळ एक लाख पाच हजार ते एक लाख १० हजार लिटर दुधाची विक्री होऊ लागली. अनलॉकनंतर हळूहळू मागणी वाढत जाऊन आता दीड लाख लिटर दुधापर्यंत पोहचली आहे. मात्र तरीदेखील अजूनही दररोज जवळपास ५० हजार लिटर दूध शिल्लक राहत आहे. लॉकडाऊनच्या सुरुवातीच्या काळात दररोजचे ८० ते ९० हजार लिटर व आता दररोज ५० हजार लिटर दूध शिल्लक राहत असल्याने दूध संघाने त्यापासून दूध पावडर , बटर असे दुग्धजन्य पदार्थ तयार करणे सुरू केले . जिल्हा दूध संघात शिल्लक दुधापासून दुग्धजन्य पदार्थांचे उत्पादन वाढत जाऊन संघात आतापर्यंत एक हजार टन दुधाची पावडर व एक हजार टन बटर तयार झाले आहे.

मात्र अजूनही हॉटेल, मोठे रेस्टॉरंट सुरू झालेले नाहीत. त्यामुळे मागणीत घट झालेली आहे. दरम्यान तयार झालेल्या दुग्धजन्य पदार्थात दूध संघाचे ८० ते ९० कोटी रुपये अडकले आहेत. पण दूध उत्पादकांना नियमित पगार दिला जात असल्याचे दूध संघाचे व्यवस्थापकिय संचालक मनोज लिमये यांनी दिली. दूध संघात नियमित दूध संकलन सूरु असून मार्च - एप्रिल महिन्याच्या तुलनेत मागणी वाढली आहे. मात्र हॉटेल व इतर व्यवहार पूर्णपणे सूरू न झाल्याने दूध शिल्लक राहत आहे.

lockdown Coronavirus milk sangh milk powder butter जळगाव Jalgaon कोरोना व्हायरस लॉकडाऊन दूध पावडर jalgaon milk sangh जळगाव जिल्हा दूध संघ
English Summary: Due to lockdown, stocks of milk powder and butter are locked in the milk sangh

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.