देशात दुहेरी संकट : काही राज्यांवर आहे चक्री वादळांचे सावट: तर काही ठिकाणी येणार उष्णतेची लाट

18 May 2020 12:39 PM By: KJ Maharashtra


राज्यात आजपासून उष्ण व कोरड्या हवामानाचा अंदाज आहे. विदर्भासह राज्याच्या विविध भागात उन्हाचा पारा वाढण्याची शक्यता आहे. दरम्यान कोकणात तुरळक ठिकाणी हलक्या पावसाचा अंदाज असल्याचे हवामान विभागाकडून सांगण्यात आले आहे. रविवारी सकाळपर्यंतच्या २४ तासांमध्ये जळगावमध्ये देशातील उच्चांकी ४४.६ अंश सेल्सिअस तापमानाची नोंद झाली आहे. दरम्यान बंगालच्या उपसागरात आलेल्या अमफ चक्रवादळाची तीव्रता वाढत असल्याने उत्तर व वायेव्यकडून कोरडे वारे मध्य भारतातकडे येण्याची शक्यता आहे. त्यामुळे गुजरात, राजस्थान, मध्यप्रदेश, विदर्भात मंगळवारपासून उष्णतेची लाट येण्याची शक्यता आहे.

काल अकोला येथे ४४.२ आणि वर्धा येथे ४३.५ अंश तापमानाची नोंद झाली. विदर्भ, मराठवाड्यात अनेक ठिकाणी तापमान चाळशीपार गेले आहे.
दरम्यान बंगालच्या उपसागरात आलेल्या अमफन चक्रिवादळामुळे नैर्ऋत्य मोसमी वाऱ्यांना चालना मिळाली आहे. रविवारी मॉन्सून दक्षिण अंदमान समुद्र, निकोबार बेटांवर डेरेदाखल झाला आहे. या भागात ढगांची दाटी झाली असून जोरदार पावसाला सुरुवात झाली आहे. मॉन्सूनच्या पुढील वाटचालीस पोषक हवामान असल्याने मंगळवापर्यंतच्या तासांत अंदमान बेटाच्या आणखी काही भागात मॉन्सून दाखल होणार असल्याचे सांगण्यात आले आहे. नवीन दिर्घकाली सर्वसामान्य वेळेनुसार मॉन्सून २२ मे पर्यंत अंदमान -निकोबार बेटावर दाखल होत बहुतांश भाग व्यापण्याची शक्यता आहे.

शनिवारी रात्री उशिरा अमफन चक्रीवादळीची निर्मिती झाली आहे. ओडिशाच्या परादीपपासून ९९० किलोमीटर आणि पश्चिम बंगालच्या दिघापासून ११४० किलोमीटर दक्षिणेकडे असलेले वादळी प्रणालीचे केंद्र ताशी सहा किलोमीटर वेगाने सरकत आहे. येत्या १२ तासात चक्रीवादळ तीव्र होण्याची शक्यता आहे. ओडिशा, पश्चिम बंगाल आणि तामिळनाडूमध्येही हे चक्रीवादळ थैमान घालू शकते. देशात वेस्टर्न डिस्टर्बेंस सक्रिय आहे. यामुळे जम्मू-काश्मीर, हिमाचल प्रदेश, उत्तराखंड, पंजाब, हरियाणा, उत्तरी राजस्थान आणि पश्चिमी उत्तर प्रदेशातही हवामान खराब होण्याची शक्यता आहे.

IMD forecast IMD wheather whether department forecast heat wave उष्णतेची लाट हवामान विभाग
English Summary: double crisis is in country : some states are in the throes of cyclones, while others are experiencing heat waves 18

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.