मंत्रालयात दुग्धजन्य पदार्थांचे विक्री प्रदर्शन

16 October 2018 09:15 PM


मुंबई:
दुग्धविकास विभागाच्या वतीने मंत्रालयात आयोजित दुग्धजन्य पदार्थांच्या विक्री प्रदर्शनाचे मुख्यमंत्री देवेंद्र फडणवीस यांच्या हस्ते आज उद्घाटन झाले. यावेळी महसूलमंत्री चंद्रकांत पाटील, पशुसंवर्धन, दुग्धविकास व मत्स्यव्यवसाय मंत्री महादेव जानकर, ‘महानंद’च्या अध्यक्ष मंदा खडसे आदी उपस्थित होते.

यावेळी मुख्यमंत्री व अन्य मान्यवरांनी सहकारी व खासगी दूध संघांच्या प्रदर्शन व विक्री स्टॉलची पाहणी केली. मंत्रालयाच्या त्रिमूर्ती प्रांगणात आयोजित करण्यात आलेल्या या प्रदर्शनात राज्यातील विविध विभागातील नामांकित 15 सहकारी व खासगी दूध संघांचे स्टॉल लावण्यात आले आहेत. त्यांच्या माध्यमातून सुगंधित तूप, दही, लोणी, चीज, श्रीखंड, ताक, लस्सी, (फ्लेवर्ड) दूध, पेढे, पनीरआदी दुग्धजन्य पदार्थांचे सवलतीच्या दरात विक्री करण्यात येत आहे. हे प्रदर्शन 17 ऑक्टोबरपर्यंत चालणार आहे.

पशुसंवर्धन, दुग्धविकास व मत्स्यव्यवसाय विभागाचे प्रधान सचिव अनूप कुमार आणि दुग्धविकास आयुक्त राजीव जाधव यांनी या प्रदर्शनाबाबतची माहिती मुख्यमंत्री श्री. फडणवीस यांना दिली.

राज्य शासनाचा आरे’, महाराष्ट्र राज्य दूध महासंघ अर्थात महानंद’, ‘कात्रज डेअरी’, ‘गोविंद’, ‘कृष्णा’, ‘सोनई’, ‘वारणा’, ‘पराग मिल्क’, ‘प्रभात’, ‘गोकुळ’, ‘श्रायबर डायनॅमिक्स आदी नामांकित ब्रॅण्डसह एकूण 15 दूध संघांचे स्टॉल यामध्ये विक्री करणार आहेत.

dairy milk Mahanand Dairy महानंद दुध Mantralaya मंत्रालय देवेंद्र फडणवीस Devendra Fadnavis
English Summary: Dairy Products Sale Exhibition in Mantralaya

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.