२०१९-२० मधील कापूस उत्पादन राहणार ३५४.५ लाख गाठी - सीएआय

Wednesday, 11 March 2020 10:56 AM


पुणे:
  ऑक्टोबर २०१९-२० पासून देशातील कापूस उत्पादनाचा हंगाम सुरू झाला आहे. या हंगामादरम्यान कापसाचे उत्पादन ३५४.५० लाख गाठी राहिल, असा अंदाज कॉटन असोसिएशन ऑप इंडिया (CAI) ने वर्तवला आहे. कापसाची एक गाठी ही १७० किलोग्रामची असते. असोसिएशनकडून वर्तविण्यात आलेला अंदाज हा कृषी मंत्रालयाने वर्तवलेल्या उत्पादनापेक्षा जास्त आहे.

कृषी मंत्रालयाने देशातील कापसाचे उत्पादन ३२२.७ लाख गाठी राहिल, असा अंदाज वर्तवला आहे. २०१८-१९ या वर्षातील पीक हंगामातील कापूस उत्पादन २८७.१ लाख गाठी होते. सीएआयनुसार, ऑक्टोबर २०१९ ते जानेवारी २०२० च्या दरम्यान कापसाचा एकूण पुरवठा २३.८९ लाख गाठी राहिला. यात ३१ जानेवारी २०२० पर्यंत १९२.८९ लाख गाठी इतका कापसाचा पुरवठा राहिला. तर  १० लाख कापसाच्या गाठीचे आयात करण्यात आले. तर चालू सत्रात कापसाचा ३२ लाख साठा हा बाकी राहिल,असा अंदाज आहे.

आधी हा साठा २३.५० लाख गाठी राहिल अशी शक्यता वर्तवण्यात आली होती. वर्षाच्या आढावा पत्रकानुसार चालू कापूस सत्राच्या शेवटपर्यंत म्हणजे ३० सप्टेंबर २०२० पर्यंत कापसाचा एकूण पुरवठा हा ४११.५० लाख गाठी राहिल. पुर्ण पीक वर्ष म्हणजे ३० सप्टेंबर २०२० पर्यंत देशातील वापर ३३१ लाख गाठी राहण्याचा अंदाज आहे. वापराचा हा आकडा कापूस सल्लागार मंडळाद्वारे २८ नोव्हेंबर २०१९ला वर्तवण्यात आल्याप्रमाणे राहिला. चालू सत्रात सीएआयने कापूस निर्यातीचा अनुमान ४२ लाख गाठी राहिल, असे सांगितले आहे. हा अनुमान मागील वर्षा इतकाच आहे.

Cotton crop bales CAI cotton association of india pune कापूस कापूस पीक कॉटन असोसिएशन ऑफ इंडिया सीएआय गाठी कापूस उत्पादन cotton production

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय




Download Krishi Jagran Mobile App


CopyRight - 2020 Krishi Jagran Media Group. All Rights Reserved.