राज्याच्या विविध भागात पाऊस पडण्याची शक्यता

29 July 2020 05:22 AM By: भरत भास्कर जाधव


पावसासाठी अनुकूलता तयार झाल्यामुळे पुढील दोन दिवस राज्याच्या अनेक भागांत पाऊस पडण्याची शक्यता हवामान विभागाने वर्तवली आहे. तर कोकण आणि विदर्भात काही ठिकाणी मुसळधार पाऊस होऊ शकतो. हिमालयाच्या पायथ्याकडे गेलेला मॉन्सूनचा आस पाकिस्तान आणि परिसरावर असलेली पश्चिमी चक्रावाताची स्थिती त्यापासून कोकणापर्यंत असलेला हवेचा कमी दाबाचा पट्टा यामुळे राज्यात पावसाने उघडीप दिली. मॉन्सूनचा आस दोन दिवसांत दक्षिणेकडे येण्याची शक्यता असल्याने राज्यात पाऊस पुन्हा सुरू होणार आहे.

पुढील दोन दिवसांत मुंबईत अनेक ठिकाणी मेघगर्जनेसह जोरदार पावसाची शक्यता आहे. तर काही ठिकाणी मुसळधार पाऊस पडू शकतो.  तर रायगड, रत्नागिरी आणि सिंधुदुर्ग जिल्ह्य़ात पुढील पाचही दिवस अनेक ठिकाणी मुसळधार पाऊस पडण्याची शक्यता आहे.  विदर्भात काही ठिकाणी दोन दिवस मुसळधार पाऊस होईल, तर मराठवाडय़ात काही ठिकाणी पावसाचा जोर वाढण्याची शक्यता आहे.  मध्य महाराष्ट्रात तुरळक ठिकाणी मध्यम स्वरूपाच्या पावसाची शक्यता आहे.   तर पुणे, सातारा, कोल्हापूर जिल्ह्य़ातील घाटमाथ्यावर आणि अहमदनगर जिल्ह्य़ात काही ठिकाणी मुसळधार पाऊस होऊ शकतो.  उत्तर मध्य महाराष्ट्रात मात्र हलका ते मध्यम स्वरूपाचा पाऊस पडू शकतो.

मंगळवारी मुंबई वगळता राज्यात अन्यत्र पावसाने दडीच मारली.   मुंबईत सलग दुसऱ्या दिवशी दक्षिण मुंबईत पावसाचा जोर कायम राहीला.  पश्चिम उपनगर, ठाणे आणि डोंबिवली येथे काही ठिकाणी मुसळधार पावसाची नोंद झाली.  कुलाबा येथील हवामान विभागाच्या केंद्रावर ८३.६ मिमी, तर पश्चिम उपनगरात अंधेरी, मालाड, बोरिवली, दहीसर आणि भाईंदर येथे ६० मिमीपेक्षा अधिक पाऊस नोंदविण्यात आला. सांताक्रूझ केंद्रावर ७.७ मिमी पाऊस झाला.

Chance of rain Vidarbha Region Marathwada central maharashtra Monsoon monsoon rain weather weather department हवामान विभाग मॉन्सून मॉन्सून पाऊस मध्य महाराष्ट्र विदर्भ मराठवाडा
English Summary: Chance of rain in different parts of the state

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.