विदर्भात जोरदार पावसाची शक्यता

11 August 2020 09:30 AM By: भरत भास्कर जाधव


गेल्या दोन ते तीन दिवस राज्यातील काही भागात पावसाने उघडीप दिली आहे. पण येत्या चार ते पाच दिवस मराठवाडा व मध्य महाराष्ट्राच्या पूर्व भागात हलक्या सरी, कोकण, विदर्भात वाऱ्यासह जोरदार पाऊस तर काही ठिकाणी अतिवृष्टी होण्याचा अंदाज हवामान विभागाने वर्तविला आहे. मध्य महाराष्ट्र व विदर्भात पावसासाठी पोषक वातावरण तयार होत आहे. मध्य प्रदेशच्या ईशान्य भागात कमी दाबाचे क्षेत्र असून त्याचे चक्राकार वाऱ्यांमध्ये रुपांतर होण्याची शक्यता आहे.

यासह अरबी समुद्र आणि ओमान या दरम्यान आणि बंगालच्या उपसागरात कमी दाबाचे क्षेत्र तयार होत आहे. त्यामुळे मॉन्सून पुन्हा सक्रिय होत आहे. मध्य महाराष्ट्र व विदर्भात पावसासाठी पोषक वातावरण तयार होत आहे. दरम्यान कोकण, मध्य महाराष्ट्र, खानदेश, मराठावाडा व विदर्भातील काही ठिकाणी हलका स्वरुपाच्या सरी कोसळत आहेत. सोमवारी सकाळी आठ वाजेपर्यंत विदर्भातील गोंदिया येथे १४७.६ मिलीमीटर पाऊस पडल्याची नोंद झाली. रायगड, रत्नागिरी, सिंधुदुर्ग, पालघर जिल्ह्यातील काही ठिकाणी हलक्या सरी कोसळत आहे. रायगडमधील माथेरान येथे ४२ मिलीमीटर पाऊस झाला.

तर घाटमाथ्यावरही तुरळक सरी बरसल्या असून मध्य महाराष्ट्रातील पुणे, नाशिक, सातारा, कोल्हापूर, या जिल्ह्याच्या पश्चिम भागात काही प्रमाणात पाऊस पडला. सातऱ्यातील महाबळेश्वर येथे ५१.६ मिलीमीटर पाऊस पडला. कोल्हापुरातील राधानगरी धरणक्षेत्रात पुन्हा पाऊस सक्रिय झाल्याने सोमवारी धरणाचा सहा व तीन क्रमांकाचे स्वंयचलित दरवाजे साडेबाराच्या दरम्यान पुन्हा उघडले. या दोन दरवाजातून ४२५६ क्युसेक पाण्याचा विसर्ग सुरु झाला आहे. जिल्ह्यातील धरणातील पाणीसाठा ९० ट्क्के झाला आहे.

heavy rain heavy rain in Vidarbha weather department हवामान विभाग हवामान विभागाचा अंदाज मध्य महाराष्ट्र कोकण अतिवृष्टी
English Summary: Chance of heavy rain in Vidarbha - weather department

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.