कृषी मंत्रालय शेतकर्‍यांना मोबदला देण्याकरिता नवीन सॉफ्टवेअर विकसित करणार ,जाणून घ्या फायदे

खुल्या बाजारपेठ-कॉर्पोरेट क्षेत्रात आपली विक्री करण्याच्या स्वातंत्र्याशी संबंधित नवीन कायदा लागू केल्यावर कृषी मंत्रालय मंड्यांव्यतिरिक्त नवीन सॉफ्टवेअर विकसित करण्याचे काम करीत आहे. यावर, देशभरातील कोणत्याही शहरातील धान्यांचा भाव  मिळू शकेल. याशिवाय दररोज सकाळी ८ वाजता शेतकर्‍यांच्या मोबाईलवर एसएमएसद्वारे उत्पादन व उत्पादनाच्या किंमती पाठविण्याची व्यवस्था केली जाईल. सरकारचा असा दावा आहे की ऑनलाईन प्रणालीद्वारे शेतकर्‍यांना पिकाला मोबदला मिळू शकेल.

कृषी मंत्रालयाच्या अधिकाऱ्यांनी  सांगितले की शेतकरी उत्पादन व्यापार व वाणिज्य  कायदा २०२० मध्ये शेतकर्‍यांना त्यांचे उत्पादन विकण्यासाठी नवीन पर्याय उपलब्ध झाले. आता शेतकरी आपल्या शेतातून मंडी, कोल्ड स्टोरेज किंवा  पिक विकू शकतील . उत्पादन व्यापारात स्पर्धा घेण्यासाठी परवाना निर्बंध हटविण्यात आले आहेत .

राज्यातील आणि आंतरराज्य पातळीवरील सर्व कायदे काढून टाकण्यात आले आहेत. ज्याद्वारे कोणताही व्यापारी, कॉर्पोरेट क्षेत्र, घाऊक उद्योगपती उत्पादन खरेदी करण्यास सक्षम असतील. इतर राज्यात किंवा देशात उत्पादनांच्या किंमतींबद्दल शेतकऱ्यांना जागरूक करण्यासाठी कृषी मंत्रालय नवीन सॉफ्टवेअर बनवित आहे. मंत्रालयाकडे १० कोटी  शेतकरी मोबाईल क्रमांक, आणि  शेतीचा जिओ डेटा उपलब्ध आहेत. असे  अधिकाऱ्याने  सांगितले .

कृषीमंत्री नरेंद्रसिंग तोमर म्हणाले की, नवीन कृषी कायद्यामुळे शेतकऱ्यांना  अधिक मूल्य मिळेल. त्यांचे उत्पन्न वाढेल. नवीन सॉफ्टवेअर लवकरच तयार होईल. यामुळे शेतकऱ्यांना  मोठ्या प्रमाणात सोय होईल आणि ई-व्यापारास चालना मिळेल. पूर्वीप्रमाणेच एमएसपी सुरूच राहील, यावर तोमर यांनी भर दिला.