कृषी आणि संलग्न बाबींना लॉकडाऊनमधून सूट

03 April 2020 09:48 AM


नवी दिल्ली:
 राष्ट्रव्यापी लॉकडाऊन मधून कृषी-शेती आणि संलग्न सेवांना सरकारने सूट दिली आहे. देशातल्या शेतकरी वर्गाला येणाऱ्या समस्यांची दखल घेऊन हा निर्णय घेण्यात आला आहे. यामुळे कोणताही अडथळा न येता पिक कापणी सुरळीत सुरु राहणार आहे. केंद्रीय कृषी आणि शेतकरी कल्याण मंत्री नरेंद्र सिंह तोमर यांनी यासंदर्भात पंतप्रधान नरेंद्र मोदी आणि केंद्रीय गृह मंत्री अमित शहा यांचे आभार मानले आहेत.

लॉकडाऊन लागू झाल्यापासूनतोमर यासंदर्भातल्या बाबींकडे लक्ष पुरवत होते. पिकांच्या कापणीसाठी आणि अन्नधान्याची बाजारपेठेपर्यंत वाहतूक करण्यासाठी शेतकऱ्यांना कोणत्या अडचणी येऊ शकतात याबाबत तोमर यांनी माहिती घेतली होती. शेतकऱ्यांची आणि संबंधित संस्थांची मागणी आणि पंतप्रधानांच्या सूचना लक्षात घेऊनकेंद्र सरकारने या मुद्द्याचा तातडीने आणि सहानुभूतीपूर्वक विचार करतशेतकरी आणि संबंधित वर्गाचे हित राखतहा व्यवहार्य तोडगा काढला आहे.   

गृह मंत्रालयाने देशव्यापी लॉक डाऊन संदर्भातल्या मार्गदर्शक तत्वासाठी दुसरे परीशिष्ट 24 आणि 25 मार्च 2020 च्या आदेशाद्वारे जारी केले.

गृह मंत्रालयाने जारी केलेल्या दुसऱ्या परिशिष्टानुसार खालील वर्गाना लॉकडाऊन मधून वगळण्यात आले आहे.

  • किमान आधारभूत किमतीशी संबंधित बाबींसह कृषी उत्पादन खरेदी करणाऱ्या एजन्सी.
  • कृषी उत्पन्न बाजार समित्या किंवा राज्य सरकार कडून अधिसूचित मंड्या. 
  • शेतकऱ्यांची शेती विषयीची कामे आणि शेतीमधले शेतमजूर.
  • कृषी यंत्राशी संबंधीत कस्टम हायरिंग सेंटर. 
  • खतेकीटकनाशके आणि बियाणे उत्पादन आणि पॅकेजिंग युनिट.
  • कापणी आणि पेरणीशी संबंधित यंत्रांची राज्य आणि आंतरराज्य ये-जा.

लॉकडाऊनच्या काळात कृषी क्षेत्राशी संबंधित कामे सुरळीत रहावीत आणि जनतेला जीवनावश्यक वस्तूंचा पुरवठा सुरळीत राहावा आणि शेतकऱ्यासह जनतेलासमस्या येऊ नये यासाठी हा निर्णय घेण्यात आला आहे. राज्ये आणि केंद्र शासित प्रदेशांच्याशी संबंधित मंत्रालयेविभागांना आणि अधिकाऱ्याना आवश्यक ते निर्देश केंद्र सरकारने जारी केले आहेत.

नरेंद्र मोदी narendra modi लॉकडाऊन lockdown नरेंद्र सिंह तोमर Narendra Singh Tomar
English Summary: Agriculture farming and allied activities exempted from lockdown

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.