अबब ! पीक विम्यासाठी राज्यातून तब्बल ७२ लाख अर्ज

30 July 2020 01:38 PM


यंदा पंतप्रधान पीकविमा योजनेमध्ये महाराष्ट्र राज्यातून तब्ब्ल ७२ लाख अर्ज जमा झाले आहेत.  विम्याची नोंदणी करण्यासाठी उद्या म्हणजे शुक्रवार ३१ जुलै हा शेवटचा दिवस असून सरकारने जास्तीत जास्त शेतकऱ्यांना योजनेचा लाभ घेण्याचे आव्हान केले आहे. तसेच या योजनेसाठी कोणतीही मुदतवाढ मिळणार नसल्याचे राज्य शासनाने स्पष्ट केले आहे.

या योजनेअंतर्गत बीड जिल्हा आघाडीवर असून सर्वाधिक अर्ज या जिल्ह्यातून आले आहेत. यो योजनेला मात्र पश्चिम महाराष्ट्र आणि कोकण विभागातून जास्त प्रतिसाद मिळाला नसल्याचे दिसून येते. पश्चिम महाराष्ट्रात ऊसाचे सर्वाधिक उतपादन घेतले जाते. मात्र ऊस हा पीक योजनेत समाविष्ट नसल्याने या पट्ट्यातून कमी अर्ज आले आहेत.

उत्तर महाराष्ट्रातून या योजनेला चांगला प्रतिसाद मिळत आहे. यावर्षी कोरोनामुळेदेखील शेतकऱ्यांना अर्ज जमा करताना अडचणी येत आहेत. त्यामुळे अर्जाची संख्या कमी झाली आहे. तसेच महाराष्ट्र सरकारने  योजनेचे नोटिफिकेशन काढायला उशीर केला, त्यामुळे  कमी अर्ज आले आहेत अशी चर्चा आहे. दरम्यान उद्या मुदत संपणार असल्याने राज्यभर शेतकऱ्यांसमोर समस्या तयार झाल्या आहेत. राज्य सरकारने ऐन लॉकडाऊनमध्ये मुदतवाढीस केलेली टाळाटाळ, सर्व्हर डाऊनच्या घटना, महा ई सेवा केंद्रावर होणारी लूट यामुळे शेतकरी हैराण झाले आहेत.  दरम्यान शेतकऱ्यांनी या योजनेला मुदतवाढ देण्याची मागणी केली आहे. कृषी मंत्र्यांनी कोणतीच वाढ केली जाणार नसल्याचे सुचित केले आहे. तर विमा अर्ज भरताना शेतकऱ्यांची आर्थिक लूट केली जात असल्याचे निर्दशनास आले आहे. 

crop insurance crop insurance application maharashtra state pradhanmantri fasal bima yojana prime minsiter crop insurance पंतप्रधान पीक विमा योजना पीक विमा योजना अर्ज महाराष्ट्र राज्य
English Summary: 72 lakh applications for crop insurance from the state

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.