कर्करोगावर पहिली स्वदेशी लस तयार; सीरम इन्स्टिट्यूट करणार लॉन्च..

First indigenous cancer vaccine

India Cervical Cancer Vaccine देशात गर्भाशयाच्या मुखाच्या कर्करोगाविरुद्धची लढाई आता अधिक सोपी होणार आहे. गर्भाशयाच्या मुखाच्या कर्करोगाशी लढा देण्यासाठी भारताला पहिली स्वदेशी लस मिळणार आहे. ही लस (सर्विकल कॅन्सर लस) सीरम इन्स्टिट्यूट ऑफ इंडिया (SII) ने बनवली आहे. सीरम इन्स्टिट्यूट ऑफ इंडिया आणि बायोटेक्नॉलॉजी विभागाकडून उद्या स्वदेशी लस लाँच केली जाणार आहे.

ड्रग्ज कंट्रोलर जनरल ऑफ इंडिया (DCGI) ने अलीकडेच सीरम इन्स्टिट्यूट ऑफ इंडियाला गर्भाशयाच्या मुखाच्या कर्करोगाविरूद्ध लस तयार करण्यास परवानगी दिली आहे. याचा अनेकांना फायदा होणार आहे. स्वदेशी विकसित देशातील पहिली चतुर्भुज मानवी पॅपिलोमाव्हायरस लस (qHPV) गुरुवारी लाँच केली जाईल. याचा परिणाम कसा होणार याकडे सर्वांचे लक्ष लागले आहे.

सीरम इन्स्टिट्यूट ऑफ इंडिया आणि बायोटेक्नॉलॉजी विभागाने 1 सप्टेंबर रोजी गर्भाशयाच्या मुखाच्या कर्करोगाच्या उपचारासाठी स्वदेशी विकसित लस सुरू करण्याची योजना आखली. विशेष म्हणजे, सीरम इन्स्टिट्यूटच्या qHPV लसीला DCGI कडून १२ जुलै रोजी बाजार अधिकृतता मिळाली. सध्या भारत परदेशातून लस घेतो आणि त्याची किंमत जास्त आहे.

'मातोश्री च्या दारात सुखशांती दाबून दे, हीच गणरायाकडे प्रार्थना'

गर्भाशयाच्या मुखाचा कर्करोग हा एक प्रकारचा कर्करोग आहे जो ग्रीवाच्या पेशींमध्ये होतो. ह्युमन पॅपिलोमा व्हायरस (HPV) जो लैंगिक संक्रमित संसर्ग आहे. गर्भाशयाच्या मुखाचा कर्करोग होण्यासाठी हा विषाणू सर्वाधिक जबाबदार असतो. नऊ ते १४ वयोगटातील मुलींना ही लस दिली जाऊ शकते, असे सांगण्यात येत आहे.

देशातील प्रथम शेती अवजाराचे ग्रीन सिस्टिम शोरूम बार्शीत सुरू, शेतकऱ्यांना होणार फायदा

भारतात गर्भाशयाच्या मुखाच्या कर्करोगाचे प्रमाण वाढले आहे. एका अहवालानुसार, १५ ते ४४ वयोगटातील महिलांमध्ये हा दुसरा सर्वात सामान्य कर्करोग आहे. गर्भाशयाच्या मुखाचा कर्करोग रोखण्यासाठी लसीकरण मोठ्या प्रमाणात उपयुक्त असल्याचे सांगितले जाते. केंद्र सरकारच्या राष्ट्रीय लसीकरण मोहिमेत या लसीचा समावेश केल्यास महिलांमधील गर्भाशयाच्या मुखाच्या कर्करोगाची समस्या कमी करण्याच्या दिशेने एक ठोस पाऊल ठरू शकते.

महत्वाच्या बातम्या;
कृषिमंत्र्यांचा शेतकऱ्याच्या घरी मुक्काम, अडचणी समजून घेण्यासाठी घेतला निर्णय..
'एकरकमी FRP घेतल्याशिवाय राज्यातला एकही कारखाना सुरु होवू देणार नाही'
एकाच दिवशी वाढलेल्या संपत्तीमुळे अदानी वरच्या क्रमांकावर गेले, आकडा वाचून डोळे होतील पांढरे