Punganur Cow : जगातील सर्वात लहान गाईंच्या दूधात आहे औषधी गुणधर्म; जाणून घ्या गाईची माहिती

Punganur Cow News

Animal Care : भारतात गायींच्या अनेक उत्कृष्ट जाती आढळतात. देशात गायींच्या काही जाती आहेत ज्या हळूहळू नामशेष होत आहेत. गायींच्या नामशेष होणाऱ्या जातींमध्ये पुंगनूर गाय आहे. ही गाय जगातील सर्वात लहान गायींपैकी एक आहे. गायीची ही उत्कृष्ट जात दक्षिण भारतात विकसित करण्यात आली आहे. ही गाय नामशेष झाल्यामुळे आंध्र प्रदेशात मोठ्या प्रमाणावर तिच्या संवर्धनावर काम केले जात आहे, जेणेकरून तिला नामशेष होण्यापासून वाचवता येईल.

पुंगनूर गाय ही मुख्यतः आंध्र प्रदेशमधील चित्तूर जिल्ह्यात आढळते. या गायीचे वैशिष्ट्य म्हणजे ही गाय केवळ पाच किलो चाऱ्यासह दररोज तीन लिटर दूध देण्यास सक्षम आहे. अशा परिस्थितीत जगातील सर्वात लहान गाय म्हणून 'पुंगनूर गाय'ची ओळख आहे. त्याबद्दल सविस्तर आपण आज जाणून घेऊयात.

पुंगनूर गाय तिच्या लहान आकारासाठी प्रसिद्ध

पुंगनूर गायीची उंची जवळपास कुत्र्याएवढी असते. म्हणजेच अडीत ते तीन फुट असते. पशुपालकांना ही गाय पाळणे खूप सोपे आहे. कारण तो चारा जास्त प्रमाणात खात नाही. ते एका दिवसात पाच किलो चारा खाते आणि तीन लिटर दूध देते. पुंगनूर गायीची जात सुमारे वर्षे जुनी मानली जाते. ही गाय देशातील जवळपास सर्वच राज्यात सहज पाळता येते.

पुंगनूर गाईचे दूध हे औषधी गुणधर्मांनी परिपूर्ण

पुंगनूर गाईचे दूध हे औषधी गुणधर्मांनी परिपूर्ण आहे. वास्तविक, त्याच्या दुधामध्ये सुमारे ८ टक्के फॅट असते, जे मानवी शरीरासाठी खूप फायदेशीर आहे. त्याच वेळी, इतर गायींच्या दुधात ३ ते ३.३५ टक्के फॅटचे प्रमाण आढळते.

पुंगनूर गाय कशी ओळखावी

पुंगनूर गाय/पुंगनूर गायीची उंची खूपच लहान असते. अशा स्थितीत या गायीचा मागचा भाग किंचित खाली झुकलेला असतो. याशिवाय या गायीची शिंगे वाकडी असून तिची पाठ पूर्णपणे सपाट असते. पुंगनूर गायींचा बहुतेक रंग पांढरा असतो.