तुरीचे वाण निवडताना जमिनीचा पोत पाहून निवड करणे ठरेल फायदेशीर; तेव्हाच मिळेल जास्त उत्पादन

soil fertility in important in selection of pigeon pie veriety

 तूर पीक हे महाराष्ट्रात मोठ्या प्रमाणात घेण्यात येणारे पीक आहे. या पिकासाठी मध्यम ते भारी जमीन निवडली तर तूर या पिकाची वाढ अशा जमिनीत चांगली होते. महाराष्ट्रामध्ये ज्या तूरीच्या जाती लावल्या जातात त्या जातींचा कालावधी हा 110 ते 200 दिवसापर्यंत चा आहे.

तुरीचे महत्वाचे वैशिष्टे आहे की तुरी मुळे जमिनीत खोलवर जात असल्यामुळे ती जमिनीत अंतर स्तरावरील ओलावा व अन्नद्रव्ये शोषून घेते.

नक्की वाचा:खारीक खाण्याचे फायदे वाचाल तर तुम्ही नक्कीच तूम्ही स्वतःच्या आरोग्यासाठी खरिकप्रेमी व्हाल

1) तुरीचे सुधारित वाण :                                                                       

 तूरीचे पीक तयार होण्यास लागणाऱ्या कालावधीनुसार तुरीच्या वाणांचे कमीत कमी चार प्रकारात वर्गीकरण करता येते.

1) अति लवकर तयार होणारे वाण ( कालावधी 110 ते 115 दिवस )

2) लवकर तयार होणारे वाण ( कालावधी 135 ते 160 दिवस )

3) मध्यम ते उशिरा तयार होणारे वाण ( कालावधी 160 ते 200 दिवस )

4 उशिरा तयार होणारे वाण ( दोनशे दिवसांपेक्षा जास्त कालावधी )

 त्यामुळे शेतकऱ्यांनी आपल्या जमिनीची प्रत आणि पावसाचे पडणारे प्रमाण यानुसार योग्य वाणांची निवड करावी.

 साधारणपणे उधळ व हलक्या जमिनीत पाणी साठवून ठेवण्याची क्षमता कमी असते.त्यामुळे पावसाळा संपण्याच्या वेळी पिकाला जास्त पाणी उपलब्ध होत नाही.म्हणुन अशा जमिनीत लवकर तयार होणारे वाण घेणे अधिक चांगले.याउलट खोल व भारी जमिनीत ओलिताची सोय असल्यास दुबार पीक पद्धतीसाठी अति लवकर किंवा लवकर येणारे वाण सोयीचे ठरतात. तुरीची लागवड करण्याकरता पोरीच्या हळव्या किंवा गरव्या या वाणांची निवड करताना प्रामुख्याने त्या वानांचा कालावधी, जमिनीचा पोत, पर्जन्यमान आणि पीक पद्धती या बाबींचा विचार करून सर्वसाधारणपणे खालील वाणांची निवड करावी.

नक्की वाचा:काय सांगता! गायींना गाणी ऐकवली तर दूध जास्त देतात? खरी माहिती आली समोर..

2) जमीन आणि पर्जन्यमानाच्या प्रमाणे योग्य वाण :

1) मध्यम जमीन, मध्यम पर्जन्यमान :- हळवे आणि अति हळव्या वाणाची निवड करावी.उदा. टी ए टी - 10 आय सी पी एल - 87( प्रगती ), ती विशाखा - 1, ए केटी 88 11 मी विपुला

2) मध्यम ते भारी जमीन व खात्रीचे पर्जन्यमान :- यासाठी मध्यम कालावधीत येणारे वाण निवडावेत. जसे की उदा. बी  डी एन 2, मारुती ( आय सी पी 88 63 ), बी एस एस आर 736,बी डी एन 708 इ.

3) भारी जमीन व खात्रीचे पर्जन्यमान :- उशिरा तयार होणारी वाणांची निवड करावी.उदा.C11, आशा  ( आय सी पी एल -87 119 ) बी एस एम आर 853 इत्यादी वाणांची निवड करावी.

3) पीक पद्धतीप्रमाणे वाणांची निवड :-

1) दुबार पीक - दुबार पीक घ्यायचे असेल तर अति लवकर आणि लवकर तयार होणारे वाण निवडावे. जसे की टी ए टी 10 टी विशाखा - आय सी पी एल 87 (प्रगती)

2) आंतरपीक :- जर आंतर पीक घ्यायचे असेल तर उशिरा तयार होणारे वाण निवडावे. जसे की, C11, आशा बी एस एम आर 853 इत्यादी.

4) तुरीचे हळवे सुधारीत वाण :-

1) टी ए टी 10 :- हे वाण 110 ते 120 दिवसांत तयार होते. दाण्याचा रंग लाल असुन दाण्यांचा आकार मध्यम आहे. 100 दाण्यांचे वजन 8.4 ग्रॅम तसेच उत्पन्न सुमारे आठ ते नऊ क्विंटल हेक्टरी मिळते.

2) आय सी पी एल 87 :- हे संकरित वाण 120 ते 125 दिवसांत तयार होते. ओलिताची सोय उपलब्ध असल्यास पहिल्या बहाराच्या शेंगा तोडून दुसर्या आणि तिसर्या बहाराचे नियोजन करून पीक मिळू शकते. परंतु विदर्भामध्ये उष्ण तापमानामुळे बहुतेक दुसऱ्या बहारा पासून मिळणारे पिक  फार कमी येते. एव्हाना पहिल्या बहारा पासून नऊ ते दहा क्विंटल उत्पादन मिळते.या वाणाचे दाणे चांगले टपोर व लाल असतात.

3) एके पीएच 4101 :- हे संकरित वाण 135 ते 140 दिवसात तयार होते. दाणे हे मध्यम टपोर व लाल असून 100 दाण्यांचे वजन सुमारे 9.5 ग्रॅम आहे. या वाणाची शिफारस प्रामुख्याने महाराष्ट्र, गुजरात, मध्य प्रदेश या राज्यांसाठी राष्ट्रीय स्तरावरून करण्यात आले आहे.

4)एके टी 88 11 :- हे वान सुमारे 145 ते 150 दिवसात पक्व होते. केलाल व मध्यम टपोरे दाण्यांचे वान अमर रोगास प्रतिबंधक आहे. तसेच त्यापासून सरासरी दहा ते अकरा क्विंटल हेक्टरी उत्पादन मिळते.डॉ. पंजाबराव देशमुख कृषी विद्यापीठाने सन 1995 साली या वाणाची शिफारस केली होती.

नक्की वाचा:नुकसान भरपाई : शेतकऱ्यांना पाडव्याच्या मुहूर्तावर मिळणार गोड बातमी..!

5) निमगिरव सुधारित वाण :-

1) बी डी एन दोन :- हे वाण पांढऱ्या रंगाचे असून मर रोगास प्रतिबंधक आहे. या वानाच्या 100 दाण्यांचे वजन दहा ग्राम आहे. 170 ते 175 दिवसांत पक्व होते. या वाणापासून सरासरी दर हेक्‍टरी 15 ते 16 क्विंटल उत्पादन मिळते.

2) संतूर 1 :- हे संकरित वाण 165 ते 175 दिवसात तयार होते. या वाणाचे दाणे लाल असून 100 दाण्यांचे वजन सुमारे दहा ग्रॅम आहे. या वानापासून मिळणारे उत्पन्न हे बी डी एन दोन किंवा C11 या वाणांपेक्षा सुमारे 24 टक्के जास्त येते.

3) आशा ( आय सी पी एल 87 19 ) :- हे वाण मध्यम टपोर दाण्याचा रंग लाल असुन मर आणि वांझ रोगास प्रतीबंधक आहे. हे वाण 180 ते 200 दिवसात तयार होते. आंतरपीक पद्धती तसेच अर्ध रब्बी किंवा रब्बी हंगामाचे पेरणीसाठी योग्य आहे.

4) बीएसएमआर 736 :- हे वाण न 170 ते 180 दिवसात तयार होते. वांझ रोगास प्रतीबंधक असून वांझ रोगग्रस्त क्षेत्रासाठी उपयुक्त आहे. या वाणाच्या परिपक्वतेच्या पूर्वी शेंगा चट्टा विरहित व पूर्णपणे हिरव्या असतात.वाळलेल्या दाण्याचा रंग लाल असतो.

5) मारोती ( आयसीपी 88 63 ) :- हे वाण लाल दाण्यांचा  असून मर रोगग्रस्त क्षेत्रासाठी महत्वाचे आहे. कारण ते प्रभावी मर प्रतीबंधक आहे.

6) बीएसएमआर 853 :- हे वाण 180 ते 200 दिवसात तयार होते. हे वाण वांझ रोग प्रतीबंधक आहे. या वाणाच्या वाळलेल्या दाण्याचा रंग पांढरा असतो.