Rain forecast
Weather Forecast: काही ठिकाणी मुसळधार पाऊस पडत आहे. तर काही ठिकाणी पावसाने दडी मारली आहे. संपूर्ण देशात नैऋत्य मान्सूनचं आगमन झालं आहे. देशात अनेक ठिकाणी चांगला पाऊस पडत आहे. त्यामुळं शेतकरी आनंदी आहेत.
गल्ली ते दिल्ली पावसाचा अंदाज
भारतीय हवामान विभागानं दिलेल्या अंदाजानुसार मध्य महाराष्ट्रातील घाट परिसरातही काही ठिकाणी मुसळधार पावसाची शक्यता आहे. कोल्हापूर, साताऱ्यातील घाट माथ्यावर मुसळधार पावसाचा अंदाज वर्तवण्यात आला आहे. विदर्भात 5 ते 7 जुलै दरम्यान मुसळधार पावसाची शक्यता हवामान विभागानं वर्तवली आहे.
हवामान खात्याने (IMD) दिलेल्या अंदाजानुसार गुजरात, ओडिशा, झारखंड, सिक्कीम आणि पश्चिम बंगालच्या काही भागात हलक्या आणि मध्यम पावसासह अनेक भागात मुसळधार पावसाचा इशारा देण्यात आला आहे.
पुढील पाच दिवस मध्य भारतातील बहुतांश भागात मुसळधार पडण्याचा इशारा दिला आहे. यामध्ये मध्य प्रदेश, छत्तीसगड आणि विदर्भातील काही भागांचा समावेश आहे.
त्यानुसार छत्तीसगडमध्ये 3 ते 6 जुलै दरम्यान मुसळधार पाऊस पडणार आहे. उत्तर प्रदेश, पंजाब, हरियाणा, दिल्ली आणि जम्मू-काश्मीरमध्येही मेघगर्जनेसह हलका पाऊस पडण्याचा इशारा हवामान विभागानं वर्तवला आहे.
नवनियुक्त मुख्यमंत्री शेती बाबत 'अ‍ॅक्शन मोड' मध्ये...
शेतीचा वाद बरा नव्हे; मुलांनीच केली जन्मदात्या पित्याची हत्या
Share your comments