Monsoon Update: देशातील 'या' भागात मान्सूनची दमदार एंट्री, राज्यात पुढील पाच दिवस जोरदार पावसाचा इशारा

Monsoon Update

Monsoon Update: भारतीय हवामान विभाग (Indian Meteorological Department) नुसार, बिहार, झारखंड, ओडिशा आणि गंगा पश्चिम बंगालमध्ये पुढील पाच दिवसांत मेघगर्जना, जोरदार वाऱ्यासह पाऊस पडण्याची शक्यता आहे. त्याचवेळी, पुढील 48 तासांत नैऋत्य मान्सून ओडिशात दाखल होण्याची शक्यता आहे.

भारतीय हवामान खात्याच्या (IMD) ताज्या अंदाजानुसार, ओडिशाच्या काही भागात पाऊस (Rain) सुरू झाला आहे आणि त्याचा परिणाम लवकरच दिसून येणार आहे. भारतीय हवामान विभागाने सांगितले की, 15 जून रोजी किनारपट्टीच्या राज्यातील 16 जिल्ह्यांमध्ये काही ठिकाणी 24 तास विजांच्या कडकडाटासह पाऊस (Monsoon News) पडण्याची शक्यता आहे.

IMD च्या प्रादेशिक केंद्रानुसार, "झारसुगुडा, सुंदरगढ, देवगड, केओंझार, संबलपूर, मयूरभंज, अंगुल, ढेंकनाल, बौध, कंधमाल, रायगडा, गजपती, गंजम, मलकानगिरी जिल्ह्यांमध्ये एक किंवा दोन ठिकाणी गडगडाटी वादळाची शक्यता आहे. ओडिशाच्या अंतर्गत जिल्ह्यांमध्ये अनेक ठिकाणी हलका ते मध्यम पाऊस आणि मेघगर्जनेसह पावसाची (Monsoon) शक्यता आहे.

या राज्यांमध्ये मान्सूनने एंट्री केली आहे

आम्ही आपणास सांगू इच्छितो की, सोमवारी IMD ने सांगितले होते की नैऋत्य मोसमी पाऊस अरबी समुद्राच्या आणखी काही भागांवर, गुजरातचा काही भाग, कोकण, मध्य महाराष्ट्राचा बहुतांश भाग, मराठवाडा, कर्नाटक, तेलंगणा, रायलसीमा या भागांवर परिणाम करेल.

याशिवाय तामिळनाडूचा आणखी काही भाग, बंगालचा बहुतांश भाग आणि बिहारचा काही भागात मान्सूनची एंट्री होणार आहे. हवामान खात्याने जारी केलेल्या अहवालानुसार, आता मान्सून कर्नाटक, तामिळनाडू, केरळ (केरळ) आणि गोवा तसेच ईशान्य भारतातील राज्यांमध्ये पूर्णपणे सक्रिय झाला आहे.

त्याचवेळी आंध्र प्रदेश, तेलंगणा आणि गुजरातमध्ये मान्सून दाखल झाला आहे. दरम्यान राज्यातील मध्य महाराष्ट्रात आणि मराठवाड्यात येत्या पाच दिवसात वादळी वाऱ्याची शक्यता आहे. याशिवाय या भागात पावसाची देखील हजेरी या कालावधीत बघायला मिळू शकते. निश्चितचं त्यामुळे पावसाची आतुरतेने वाट पाहणाऱ्या बळीराजाला दिलासा मिळणार असून बळीराजा पुन्हा एकदा शेतीकामासाठी पूढे सरसावणार आहे.