Success Story: मानलं भावा! जर्मनीतील लाखोंची नोकरी सोडून पिकवतोय वाटाणा; शेतीतून करतोय करोडोंची उलाढाल

success farmer

Success Story: देशातील अनेक तरुण नोकरीसाठी (Job) विदेशात जात असतात. पण कोरोना काळात अनेक तरुण विदेशातून माघारी मायदेशी आल्यानंतर पुन्हा नोकरीसाठी गेलेच नाहीत. तर काही तरुणांनाही स्वतःहून लाखोंची नोकरी सोडून शेती (Farming) करण्यास सुरुवात केली. तेच तरुण आज शेतीतून नोकरीपेक्षा अधिक नफा कमवत आहेत.

भारतात (India) शेतीचा विस्तार झपाट्याने होत आहे. आज संपूर्ण जग भारतातील कृषी उत्पादने चाखत आहे. या विदेशी निर्यातीतून शेतकऱ्यांना चांगला नफाही मिळत आहे. यामुळेच आता शेतकऱ्यांसोबत तरुणवर्गही शेतीला जोडून चांगला नफा कमावत आहे.

आपल्यामध्ये असे अनेक तरुण आहेत ज्यांनी चांगले शिक्षण घेऊन परदेशात नोकरी न करता शेती करून ग्रामीण अर्थव्यवस्थेला हातभार लावला आहे. अशा यशोगाथांमुळे देशभरातील तरुणही शेतीत सहभागी होत आहेत.

असाच एक तरुण म्हणजे उत्तर प्रदेशातील अजित प्रताप (Ajit Pratap), ज्याने जर्मनीत काम केल्यानंतर भारतात येऊन शेती करण्याचा निर्णय घेतला. आज अजित प्रताप हिरव्या वाटाण्याच्या (Green peas) बियांचे उत्पादन करून करोडो रुपयांचा नफा कमवत आहेत. त्यांच्यापासून प्रेरणा घेऊन इतर शेतकऱ्यांनीही फळबागांच्या लागवडीला महत्त्व दिले आहे.

कर्मचाऱ्यांची दिवाळी गोड! DA वाढीसह आणखी एक आनंदाची बातमी, आता प्रमोशनही होणार...

जर्मनीची नोकरी सोडली

उत्तर प्रदेशचे असलेले अजित प्रताप यांनी IIIBM इंदूर येथून एमबीएचे शिक्षण घेतले, त्यानंतर त्यांची जर्मनीतील (Germany) एका बहुराष्ट्रीय कंपनीत निवड झाली. परदेशात जाऊनही त्यांची देशाच्या मातीशी असलेली ओढ कमी झाली नाही आणि ते अल्पावधीतच भारतात परतले.

भारतात आल्यानंतर येथील शेतकरी ओसाड जमिनीवर जवसाची लागवड करून चांगले उत्पन्न मिळवत असल्याचे अजितने पाहिले. यातून प्रेरीत होऊन त्यांनी शास्त्रीय पद्धतीने वाटाणा पिकवण्याचा निर्णय घेतला आणि आज सुमारे २५ एकर जमिनीवर वाटाणा पिकवून वार्षिक ५ कोटी रुपयांचे उत्पन्न घेत आहेत.

शेतीसह उत्पादन युनिट उभारले

तुम्हाला सांगतो की अजित प्रताप केवळ मटारचीच लागवड करत नाहीत, तर त्यांनी त्यांच्या बियाण्यांच्या प्रक्रियेसाठी एक उत्पादन युनिट देखील स्थापन केले आहे, ज्यामध्ये वाटाणा बियाण्याची प्रतवारी, प्रक्रिया आणि पॅकेजिंग देखील केले जाते.

अजित प्रताप मटारच्या लागवडीसाठी सुधारित जातींचे बियाणे वापरतात. अजित सांगतात की, वाटाणा पिकवण्यासाठी एकरी १५,००० रुपये खर्च येतो, त्यानंतर ऑन-सीझन ते ऑफ-सीझनपर्यंत तुम्हाला ८०,००० पर्यंत उत्पन्न मिळू शकते.

दिवाळीच्या शुभमुहूर्तावर सोने खरेदीदारांचे नशीब चमकले! सोने 6000 रुपयांनी स्वस्त...

वाटाणा परदेशात निर्यात केला जातो

शेतीसोबतच मटारची प्रतवारी, प्रक्रिया आणि पॅकेजिंग करणारे अजित प्रताप आज आपल्या शेतातून बांगलादेश, युरोप आणि नेपाळसारख्या अनेक देशांमध्ये मटार निर्यात करत आहेत.

ते स्वत: स्वावलंबी झाले असून गावातील अनेक शेतकरी, मजुरांना त्यांनी रोजगारही दिला आहे. अजित प्रताप यांच्या जालौन गावातील अनेक शेतकरी आज त्यांच्यापासून प्रेरणा घेत आहेत आणि मोठ्या प्रमाणावर वाटाणा पिकवून चांगले पैसे कमावत आहेत.

वाटाणा लागवडीतून उत्पन्न

साहजिकच वाटाणा भाजीपाला आणि कडधान्ये म्हणून वापरतात, म्हणूनच याला नगदी पीक असेही म्हणतात. भारतात हिवाळ्यात तसेच उन्हाळ्यातही मटारांना चांगली मागणी असते, त्यामुळे ऑफ सीझनमध्येही लोक गोठवलेल्या वाटाण्यांचा व्यवसाय करून भरपूर नफा कमावतात.

मटारच्या लागवडीबाबत अजित प्रताप सांगतात की, कर्नाटक आणि महाराष्ट्रातील शेतकरी वाटाणा शेतीसाठी पीएसएम-३ आणि एपी-३ वाणांची पेरणी करून खूप चांगले उत्पादन मिळवू शकतात. या जातींपासून पेरणी केल्यानंतर ४३ दिवसांत उत्पादन सुरू होते. अशाप्रकारे 1 हेक्‍टरपासून 20 क्विंटलपर्यंत उत्पादन आणि 1 एकरापासून दीड लाखांपर्यंत उत्पन्न मिळू शकते.

 

महत्वाच्या बातम्या:
चार दिवसानंतरही पीएम किसानचे पैसे आले नाहीत? त्वरित येथे करा कॉल, मिळतील पैसे
दिलासादायक! दिवाळीच्या मुहूर्तावर पेट्रोल डिझेल स्वस्त; पहा किती रुपयांनी झाले स्वस्त