या गावातील प्रत्येक शेतकरी करोडपती, प्रत्येकाकडे आलिशान घर महागडी वाहने, एका पिकाने बदलले नशीब

Every farmer village is a millionaire

हिमाचल प्रदेशची राजधानी शिमल्यापासून ९० किमी दूर असलेल्या मदावग गावातील लोकांची जीवनशैली पाहून तुम्हाला आश्चर्य वाटेल. आलिशान घरे आणि महागडी वाहने पाहून तुमचा विश्वास बसणार नाही की मडावग येथील शेतकऱ्यांनी शेती करून हे सर्व साध्य केले आहे. मात्र, शेतीमुळे 230 कुटुंबांच्या या गावाचे नशीब पालटले, हे खरे आहे.

या गावात दरवर्षी 175 कोटी रुपयांच्या सफरचंदांची विक्री होते. इथे राहणारा प्रत्येक शेतकरी करोडपती आहे. गावातील शेतकरी कुटुंबांचे वार्षिक उत्पन्न 35 ते 80 लाख रुपये आहे. यामुळेच हे गाव आता आशियातील सर्वात श्रीमंत गाव आहे.

मडावग येथील शेतकरी बटाट्याची शेती करायचे. १९५३-५४ मध्ये गावातील छाया राम मेहता यांनी सफरचंदाची बाग लावली. त्यांनी गावातील इतर लोकांनाही सफरचंद लागवडीसाठी प्रोत्साहन दिले. हळूहळू सर्वांनी इथे सफरचंदाची लागवड करायला सुरुवात केली. सन 2000 नंतर मडावग सफरचंदाला देशात ओळख मिळू लागली.

'साखर कारखान्यांचे गेल्या गळीत हंगामातील लेखापरिक्षण तातडीने पुर्ण करून अहवाल सादर करा'

आता येथील बागायतदार उच्च घनतेच्या लागवडीसारख्या आधुनिक तंत्राचा वापर करून सफरचंदाची लागवड करतात. मडवग सफरचंदाचा दर्जा अप्रतिम आहे. त्यामुळे ते लगेचच चढ्या भावाने विकले जाते. मडावग गावाची प्रगती आजूबाजूच्या इतर गावांना काहीतरी नवीन करण्यासाठी प्रोत्साहित करत आहे. मडावग गावाजवळ वसलेले दशोली गावही उच्च दर्जाच्या सफरचंदांसाठी प्रसिद्ध होत आहे.

दशोली गावात 8000 ते 8500 फूट उंचीवर सफरचंदाच्या बागा आहेत. ही उंची उच्च दर्जाच्या सफरचंद उत्पादनासाठी आदर्श आहे. दशोलीचे सफरचंद दर्जेदार किन्नौर आणि जम्मू काश्मीरच्या सफरचंदांनाही मात देत आहे.

शेतकऱ्यांना दिलासा! ६.३३ लाख शेतकऱ्यांना अतिवृष्टीचे ६७५ कोटी मंजूर..

इथले बागायतदार उत्तम दर्जाच्या सफरचंदांचे उत्पादन तर घेत आहेतच, शिवाय एकरी उत्पादनाचा विक्रमही करत आहेत. स्थानिक व्यावसायिकांच्या म्हणण्यानुसार, दशोलीचा छोटा बागायतदारही सफरचंदांच्या 1000 पेट्या तयार करत आहे.

महत्वाच्या बातम्या;
माती मधल्या कर्बचक्राचे कार्य
शेजाऱ्यांनो वीजचोरीची माहिती द्या आणि मिळवा बक्षीस! महावितरणकडून अनोखी युक्ती
काय सांगता! दिवसाला 33.8 लीटर दूध देणारी म्हैस; देशात ठरली नंबर १, अनेक पुरस्कारही नावावर...