आज मध्य महाराष्ट्र, मराठवाड्यात मेघगर्जनेसह पावसाची शक्यता

25 June 2020 02:25 PM By: भरत भास्कर जाधव


आज मध्य महाराष्ट्र, विदर्भात वादळी पावसाची शक्यता आहे, तर कोकणात काही ठिकाणी  आणि विदर्भात तुरळक ठिकाणी पावसाचा अंदाज हवामान विभागाने वर्तवला आहे. मॉन्सून राज्यात दाखल झाल्यानंतर राज्याच्या बहुतांशी भागांत पावसाने दडी मारली आहे. अनेक ठिकाणी मॉन्सूनच्या सरी बरसल्याच नाहीत. अनेक ठिकाणी पेरणी झाली  असून पिकांना पाण्याची आवश्यकता आहे. मात्र पावसाने उडीप दिल्याने या पिकांना पाणी द्यावे लागत आहे. उन्हाचा चटका देखील वाढला आहे, दरम्यान देशाच्या राजधानीत मॉन्सून प्रवेश केला आहे. बुधवारी काही भागात पाऊस झाला, गुरुवारी म्हणजेच आज पाऊस येईल असा अंदाज हवामान विभागाने वर्तवला आहे.  तर उत्तराखंड, जम्मू- काश्मीर, लडाख, गिलगित- बल्टिस्तान आणि मुझफ्फाराबादही मॉन्सूनने व्यापला आहे.

राजस्थानपासून बिहारपर्यंत असलेला कमी दाबाचा पट्टा उत्तरेकडे सरकणार आहे. मध्य प्रदेश आणि परिसरावर चक्राकर वारे वाहत आहेत. आज मध्य महाराष्ट्र, मराठवाड्यात मेघगर्जना, विजांसह पाऊस पडणार आहे. तर उद्या कोकण, मध्य महाराष्ट्र, मराठवाड्यात पावसाचा जोर वाढण्याची शक्यता आहे.  दरम्यान देशाच्या इतर राज्यात मॉन्सून पोहचला असून तेथे पाऊस पडण्याची शक्यता आहे. राजधानी दिल्लीचे वातावरण आज ढगाळ राहणार आहे. पुढील काही दिवस दिल्ली- एनसीआरमध्ये पाऊस होण्याची शक्यता आहे. पंजाब, हरियाणा आणि चंदीगडच्या काही भागात पुढील दोन दिवसात पाऊस होईल असा विश्वास हवामान विभागाने वर्तवला आहे.

rainfall Monsoon monsoon rain weather department weather forecast IMD forecast हवामान विभाग भारतीय हवामान विभाग मॉन्सून मॉन्सून पाऊस मराठवाडा मध्य महाराष्ट्र central maharashtra Marathwada
English Summary: today Chance of rain with thunder in Central Maharashtra and Marathwada

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.