दुधाला मिळणार २९ रुपये प्रतिलिटरचा दर

17 February 2021 11:35 AM By: भरत भास्कर जाधव
दूध  दरात वाढ

दूध दरात वाढ

राज्यातील सर्व सहकारी आणि खासगी दूध उत्पादक संघांनी शेतकऱ्यांना गाईच्या दुधाला प्रतिलिटर २९ रुपये दूध दर देण्याचा निर्णय राज्य दूध उत्पादक व प्रक्रिया  व्यावसायिक कल्याणकारी संघाच्या बैठकीत शनिवारी घेण्यात आला.

या नव्या निर्णयाची  अंमलबजावणी येत्या सोमवारपासून केली जाणार आहे. विक्री दरात वाढ केली जाणार नसल्याचे संघाचे सचिव प्रकाश कुतवळ यांनी सांगितले. दूध संघाच्या  सदस्यांची  शनिवारी पुण्यात पुणे जिल्हा सहकारी  दूध उत्पादक  संघात बैठक झाली. राज्यभरातील सुमारे  ४० दूध संघांचे प्रतिनिधी उपस्थित होते.लॉकडाऊनमुळे मागील सुमारे वर्षभरापासून या संघाची एकही बैठक घेता आली नव्हती. त्यामुळे सुमारे  वर्षभराच्या खंडानंतर आज पहिलीच बैठक घेण्यात आली.

 

कोरोनामुळे राज्यातील दूध उत्पादक शेतकरी  आणि दूध संघही अडचणीत आले आहेत. कारण कोरोना मुळे मध्यंतरी दूध खरेदी दरात मोठी कपात झाली होती. शिवाय पाऊच पॅकिंगमधील दूध विक्रीत पूर्वीच्या तुलनेत ३५ ट्क्क्यांने घट झाली आहे. या घटीमुळे दूध संघ  अडचणीत आले आहेत. पंरतु सध्या दूध पावडर आणि लोणी दरात वाढ झाली आहे. यामुळे दूध खरेदी  दरात वाढ केल्याचे  कुतवळ यांनी स्पष्ट केले.

milk price दूध दर दूध उत्पादक व प्रक्रिया व्यावसायिक कल्याणकारी संघ Milk Producers and Processing Professional Welfare Association
English Summary: The price of milk will be Rs 29 per liter

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.