सांगली बाजारात हळदीची आवक अन् दरात घसरण

28 April 2021 06:47 AM By: KJ Maharashtra
हळदीच्या दरात घसरण

हळदीच्या दरात घसरण

कोरोनामुळे सांगली बाजारात हळदीची आवक कमी होऊनही दरही उतरले आहेत. गेल्या महिन्यात साडेसतरा हजार रुपये असलेला हळदीचा दर मागील आठवड्यामध्ये सरासरी ९ हजार ८०० रुपये प्रतिक्विंटलपर्यंत खाली आला आहे. कोरोना संसर्गामध्ये हळदीचा चांगला उपयोग होत असल्याने मध्यंतरी हळदीला मागणीही वाढली होती.

गेल्या आठवड्यात ऐतिहासिक विक्रम नोंदवत हळदीने क्विंटलला तीस हजार रुपयापर्यंत दर गाठला होता. मात्र, कोरोनाचा प्रसार वेगाने होत असल्याने याचा परिणाम हळदीच्या उलाढालीवर होऊ लागला आहे. वाहतुकीतील अडथळे, टाळेबंदीचे सावट यामुळे बाजारात होणारी हळदीची आवक-जावकही घटली आहे. दुसरीकडे राज्यांतर्गत होणाऱ्या माल वाहतुकीवरही कोरोनाचे सावट पसरले आहे.

 

यामुळे कर्नाटकमधून सांगलीला येणाऱ्या आवकेमध्ये मोठ्या प्रमाणात घट झाली आहे. दुसरीकडे आवक घटलेली असतानाही अस्थिर वातावरणामुळे व्यापाऱ्यांनी सौद्यामध्ये भाग घेण्यासही टाळाटाळ सुरू केल्याने मागच्या गुरुवारी बाजारात केवळ ६ हजार ३४८ क्विंटल हळदीची खरेदी होत दरात मोठी घसरण झाली.

 

सांगली बाजारात गुरुवारी झालेल्या सौद्यामध्ये हळदीला प्रतिक्विंटल किमान ७ हजार, तर कमाल १२ हजार ६०० रुपये दर मिळाला असून सरासरी ९ हजार ८०० रूपये दर मिळाला आहे. गेल्या महिन्यात सरासरी दर साडेसतरा हजार रुपये दर मिळाल्याचे बाजार समिती कार्यालयातून सांगण्यात आले.

सांगली हळदीची आवक हळदीचे दर Turmeric Sangli market
English Summary: The arrival and price of turmeric in Sangli market also went down

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.