दुधाच्या दरवाढीसाठी राज्यभरात आंदोलन; दगडाला अभिषेक घालून सरकारचा निषेध

20 July 2020 02:01 PM By: भरत भास्कर जाधव


दूध दरात वाढ करण्याच्या मागणीसाठी राज्यभरात शेतकरी संघटना आणि विरोधी पक्ष आज रस्त्यावर उतरले आहेत. दुधाच्या दरात वाढ करण्याच्या मागणीसाठी अनेक ठिकाणी आंदोलन करण्यात आले. अकोले, अहमदमगर येथे दगडाला दुधाचा अभिषेक घालून केंद्र व राज्य सरकारचा शेतकऱ्यांनी निषेध केला. तर दुध संकलन वाढवावे यासाठी भाजपकडून शासनाला निवेदन देण्यात आले.

दूध उत्पादकांना किमान दहा रुपये अनुदान द्यावे, दुधाला भाव द्यावा,  केंद्र सरकारने घेतलेला दूध पावडर आयातीचा निर्णय तत्काळ मागे घ्या, दुधाला रास्त भाव मिळावा यासाठी थेट शेतकऱ्यांच्या खात्यावर प्रतिलिटर १० रुपये अनुदान वर्ग करा, या प्रमुख मागण्यांसाठी राज्यभर अशाप्रकारे आंदोलन करण्यात आले. यासह विवीध मागण्यांसाठी शिवसंग्राम, भाजप आणि महायुतीचे घटकपक्ष यांच्या माध्यमातून राज्यभर आज केंद्र आणि राज्य सरकारचा निषेध केला जात आहे. जर या मागणीकडे गंभीरपणे लक्ष दिले नाहीतर 1 ऑगस्टला तीव्र आंदोलन छेडले जाणार आहे. दरम्यान स्वाभिमानी शेतकरी संघटनेनेही मंगळवारी दूध बंद आंदोलन पुकारले आहे. कोरोना काळात दुधाचा खाजगी खप कमी झाला आहे, त्यातच सहकारी दुग्ध संघ दुधाची कमी खरेदी करत आहे. मंत्र्यांच्या डेअरीचे दूध प्राधान्याने खरेदी केले जात आहे, त्यामुळे शेतकऱ्यांकडचे दूध विक्रीविना राहत असून शेतकऱ्यांना नुकसान होत आहे, असे भाजपने म्हटले आहे. गायीच्या दुधाला 10 रुपये तर भुकटीला 50 रुपये अनुदान द्यावे, तर 30 रुपये लिटर दराने शेतकऱ्यांकडून दुधाची खरेदी व्हावी यासाठी भाजपने निवेदन दिले.

शासनाने ऐकले नाही तर 1 ऑगस्ट रोजी राज्य व्यापी दूध संकलन बंद आंदोलन केले जाईल, असा इशाराही देण्यात आला आहे. चंद्रशेखर बावनकुळे यांच्या नेतृत्वात नागपूर जिल्ह्यातील उपविभागीय आयुक्तांना निवेदन देण्यात आले.  अकोले, अहमदनगर येथून दूध उत्पादक शेतकरी संघर्ष समितीच्या आंदोलनाला सुरुवात झाली. दगडाला दुधाचा अभिषेक घालून केंद्र व राज्य सरकारचा शेतकऱ्यांनी निषेध केला. यावेळी डॉ. अजित नवले, दशरथ सावंत, महेश नवले, डॉ. संदिप कडलग, विजय वाकचौरे, शांताराम वाळुंज, रोहिदास धुमाळ, खंडू वाकचौरे, सुरेश नवले, शुभम आंबरे हे उपस्थित होते.

Statewide agitation milk price hike agitation राज्यात आंदोलन दूध दरवाढीसाठी आंदोलन दूध दरवाढ शेतकरी संघटना भाजप विरोधी पक्ष भाजप
English Summary: Statewide agitation for milk price hike, government protests by anointing stones

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.