ऐन पेरणीच्या काळात सोयाबीन बियाण्यांचे दर वाढले , शेतकरी अडचणीत

04 June 2021 04:03 PM By: भरत भास्कर जाधव
सोयाबीन बियाण्यांचे दर वाढले

सोयाबीन बियाण्यांचे दर वाढले

नांदेड : खासगी कंपन्यांच्या सोयाबीन बियाण्याचे दर शेतकऱ्यांच्या आवाक्याबाहेर गेले आहेत. तीस किलोच्या बॅगला ३३०० ते ३६०० रुपये मोजावे लागत आहेत. त्यामुळे पेरणीच्या तोंडावर शेतकरी अडचणीत आले आहेत. बियाणे महामंडळाच्या सोयाबीन बियाण्याचे दर नियंत्रणात असले तरी बियाण्याचा तुटवडा निर्माण झाला आहे.

नांदेड जिल्ह्यात यंदा चार लाख हेक्टरवर सोयाबीन पिकाची पेरणी अपेक्षीत आहे. यासाठी तीन लाख क्विंटल बियाण्याची आवश्यकता आहे. या बियाण्याचा खासगी तसेच सार्वजनिक यंत्रणेकडून पुरवठा करण्यात येतो. यंदा कृषी विभागाने शेतकऱ्यांना घरचे सोयाबीन बियाणे राखीव ठेवण्याचे आवाहन केले होते. तसेच काही शेतकऱ्यांनी उन्हाळ्यात बीजोत्पादनही घेतले. असे असले तरी मागणी अधिक आहे. त्यामुळे बाजारात अनेक कंपन्यांचे सोयाबीन बियाणे बाजारात आले आहे.

 

काही नावाजलेल्या बियाणे कंपन्यांनी बाजारात सोयाबीनचे दर वाढल्याचा फायदा घेऊन दर १०० ते १३० रुपये प्रतिकिलो प्रमाणे ठोक विक्रेत्यांना देण्याचे ठरविले, अशी माहिती सूत्रांनी दिली. यामुळे सरळ वाणाच्या सोयाबीन बॅगचे दर तीन हजार तीनशे ते तीन हजार सहाशे रुपयावर पोचले आहेत.

 

नफेखोरीमुळे शेतकऱ्यांमध्ये नाराजी

यंदा सोयाबीन बाजारात आले, तेव्हा चार हजार ते साडेचार हजार रुपये दर होते. या दराच्या २० ते २५ टक्के अधिकचा दर बियाणे उत्पादकांना दिला जातो. यामुळे पाच ते साडेपाच हजार रुपये दराने खरेदी केलेले सोयाबीन खासगी कंपन्या दहा हजार ते १३ हजार रुपये दराने बियाण्याच्या माध्यमातून विक्री करत आहेत.

परंतु बियाणे महामंडळाचे दर प्रतिकिलो ७५ रुपयांप्रमाणे विक्री होत असल्याने ते नियंत्रणात आहेत. परंतु यंदा मागणीच्या केवळ ३० टक्केच बियाणे उपलब्ध झाले आहे.

Soybean seed prices Soybean seed सोयाबीन बियाण्यांचे दर सोयाबीन
English Summary: Soybean seed prices rose during sowing season, putting farmers in trouble

कृषी पत्रकारितेसाठी आपला पाठिंबा दर्शवा

प्रिय वाचक, आमच्यात सामील झाल्याबद्दल धन्यवाद. आपल्यासारखे वाचक आमच्यासाठी कृषी पत्रकारितेसाठी प्रेरणा आहेत. कृषी पत्रकारितेला अधिक बळकट करण्यासाठी आणि ग्रामीण भारतातील कानाकोप in्यात शेतकरी आणि लोकांपर्यंत पोहोचण्यासाठी आम्हाला तुमचे समर्थन किंवा सहकार्य आवश्यक आहे. आपले प्रत्येक सहकार्य आमच्या भविष्यासाठी मोलाचे आहे.

आपण आम्हाला समर्थन करणे आवश्यक आहे (Contribute Now)

Share your comments

Krishi Jagran Marathi Magazine Subscription ऑनलाईन अंक मागणीसाठी

शासन निर्णय









CopyRight - 2021 Krishi Jagran Media Group. All Rights Reserved.