ब्रेकिंग! शिवसंग्राम पक्षाचे अध्यक्ष विनायक मेटे यांचा अपघातात जागीच मृत्यू

Shiv Sangram Party President Vinayak Mete died

MLA Vinayak Mete death: शिवसंग्राम पक्षाचे अध्यक्ष विनायक मेटे यांच्या गाडीचा पुणे द्रुतगती मार्गावर भीषण अपघात झाला. त्यामध्ये ते गंभीर जखमी झाले होते. त्यानंतर त्यांना हॉस्पिटलमध्ये दाखल केल्यानंतर डॉक्टारांनी त्यांना मृत घोषित केले.

मिळालेल्या माहितीनुसार, या अपघातात विनायक मेटे यांच्या डोक्याला दुखापत झाल्याने त्यांना जवळच्या एमजीएम रुग्णालयात दाखल करण्यात आले, मात्र तेथे त्यांचा मृत्यू झाला. मेटे हे तीन वेळा आमदार झाले आहेत.

मेटे बीडहून मुंबईला जात होते

ताज्या माहितीनुसार, माजी आमदार विनायक मेटे बीडहून मुंबईला जात होते. मात्र पहाटे साडेपाचच्या सुमारास ते अपघाताचा बळी ठरले. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हेही रुग्णालयात रवाना झाले आहेत.

ते गोपीनाथ मुंडे यांचे अत्यंत जवळचे मानले जात होते. ते राष्ट्रवादीचे समर्थक होते. 2014 च्या विधानसभा निवडणुकीतही त्यांनी भाजपशी हातमिळवणी केली होती. ते मराठा समाजासाठी खूप काम करायचे. त्यांच्या निधनाने मराठा समाजाला मोठा धक्का बसला आहे.