Marathawada Irrigation Update : मराठवाड्यातील सिंचनावर सरकारकडून कोट्यवधींची तरतूद

Irrigation Update

Marathawada News :

मराठावाडा मुक्ती संग्राम दिनाच्या मुहूर्तावर सरकारने मराठावाड्यातील जनतेसाठी मोठी घोषणा केली आहे. राज्य सरकारच्या आज झालेल्या कॅबिनेटच्या बैठकीत मराठवाड्याच्या विकासासाठी मोठे निर्णय घेण्यात आले आहेत. मराठवाड्यातील सिंचनावर कोट्यवधीची तरतूद करण्यात आल्याची घोषणा मुख्यमंत्री एकनाथ शिंदे यांनी केली आहे.

मराठवाड्यातील ३५ सिंचन प्रकल्पात सुधारित मान्यता देण्यात आली आहे. यामुळे मराठवाडयात मोठ्या प्रमाणावर जलसिंचन होणार आहे. तसंच शेतीला पाणी पाहिजे, जमिनीला पाहिजे ही भावना ठेवून ३५ सिंचन प्रकल्पाला सुधारीत प्रशासकीय मान्यता दिली. यामुळे ८ लाख हेक्टर जमीन ओलिताखाली येण्याचा मार्ग मोकळा झाला आहे, अशी माहिती मुख्यमंत्री एकनाथ शिंदे यांनी दिली आहे.

तसंच ११ जलसंपदा प्रकल्पांना मान्यता बैठकीत देण्यात आली असून १३ हजार ६७७ कोटींचा सुधारित वाढीव खर्च मंजूर करण्यात आला आहे. मराठवाड्याच्या विकासासाठी एकूण ४६ हजार ४५३ कोटी ९० लाख खर्च करणार असल्याचं मुख्यमंत्री एकनाथ शिंदे यांनी स्पष्ट केलं आहे.

दरम्यान, मराठवाड्यात विकास कामे, योजनांसाठी ३७ हजार १६ कोटी रुपये खर्च करण्यात येणार असल्याची माहिती मुख्यमंत्री एकनाथ शिंदे यांनी दिली आहे. आजच्या कॅबिनेटमध्ये मराठवाड्यासाठी ९ हजार ४३७ कोटी ९० लाख खर्चाचे निर्णय घेण्यात आले आहेत.