1. बातम्या

एनएससीने जेसीआय बरोबर करार; मिळणार प्रमाणित बियाणे

KJ Staff
KJ Staff


पुढील वर्षी  शेतकऱ्यांना १०,०००  क्विंटल प्रमाणित बियाणे मिळतील. यासाठी बुधवारी  नॅशनल सीड्स कॉर्पोरेशन (एनएससी) आणि जूट कॉर्पोरेशन ऑफ इंडिया (जेसीआय) यांच्यात  करार झाला. या चरणातून देशातील कच्च्या  जूट उत्पादन वाढण्यास मदत होईल. गेल्या काही वर्षात कमी दर्जाची आणि बनावट बियाण्यांमुळे देशातील कच्च्या जूटच्या गुणवत्तेवर परिणाम झाला असल्याचे कृषी मंत्रालयाने सांगितले. या संदर्भात, प्रमाणित बियाण्यांचा पुरवठा महत्त्वपूर्ण आहे. निवेदनात म्हटले आहे की, “या करारामुळे शेती उत्पादक शेतकऱ्यांना वेगवेगळ्या कृषी-हवामान परिस्थितीस अनुकूल अशी उत्तम प्रतीची बियाणे मिळतील याची खात्री होईल.

कृषीमंत्री नरेंद्रसिंह तोमर आणि वस्त्रोद्योग मंत्री स्मृती इराणी यांच्या उपस्थितीत व्हिडिओ कॉन्फरन्सिंगद्वारे हा करार झाला.२०२१-२०२२ या पीक वर्षात शेतकऱ्यांना प्रमाणित बियाण्यांचा पुरवठा होईल. याचा फायदा ५ ते  ६ लाख कृषी कुटुंबांना होईल. त्यात म्हटले आहे की उत्पादन वाढीमुळे  शेतकऱ्यांचे उत्पन्न दुप्पट होण्यास मदत होईल. त्यात नमूद करण्यात आले आहे की हे प्रमाणित बियाणे प्रथम व्यावसायिक वितरण मोहिमेसाठी एनएससी कडून जेसीआय खरेदी करतील. यावेळी कृषिमंत्री, तोमर यांनी कच्च्या जूट मालाची  गुणवत्ता व उत्पादन वाढविण्यावर  भर दिला.

 

 आपण जूट निर्यातीवर लक्ष केंद्रित केले पाहिजे. यासाठी दोन्ही मंत्रालयातील अधिकाऱ्यांनी त्याची रूपरेषा तयार केली पाहिजे जूट शेतीत फायदा म्हणजे खरेदीची हमी. जूट उत्पादने अधिक आकर्षक बनवावीत, ज्यामुळे त्यांची मागणी वाढेल आणि या माध्यमातून देशात एक मोठी  बाजारपेठ निर्माण होऊ शकेल, असेही ते म्हणाले. 
 

Share your comments

आमच्या न्यूसलेटरचे सदस्य व्हा. शेती संबंधीत देशभरातील आताच्या बातम्या मेलवर वाचण्यासाठी आमच्या न्यूसलेटरची सदस्यता घ्या.

Subscribe Newsletters